Accessibility links

Şenol Bal Qazan säfärennän qänäğät qaldı


Bu oçraşuğa televidenie, radio, gazeta redaksiälärennän ike distägä yaqın jurnalist kilgän ide. Xatın-qızlar xäräkäte wäkilläre, kürenekle tatar zıyalıları da şunda buldı. Mäşäqätle häm esse cäy könnärendä qazan cämäğätçelegeneñ Törkiä qunağına zur iğtibar birüe xatın-qızlar häm milli üseş temasınıñ torğan sayın aktual'' bula baruın kürsätä. Millät häm mädäniät problemaların xalıqara däräcädä tikşerü mömkinlege bigräk tä tansıq ikänlege küzgä taşlandı.
Soñğı waqıtta milli mäs’älägä sülpänräk häm şiklänebräk qaraw sizelsä dä, Şenol Balğa häm törki qärdäşlegeneñ xatın-qızları temasına däwlät oyışmaları, milli zıyalılar da zur iğtibar kürsätkän. Tatar Kongressı Başqarma Komitetında ütkän oçraşuda yazuçı häm cämäğät eşleklese Fäwziä Bäyrämova Törki Xatın-qızlar berläşmäseneñ eşçänlege, Şenol Balnıñ Çallıda häm Qazanda buluı turında söyläde. Bigräk tä Tatarstan Ministrlar Kabinetındağı oçraşu, sotsial'' yaqlaw ministrı Klavdiä Novikova, mäğärif ministrı Räis Şäyxelislamov, mädäniät ministrınıñ berençe urınbasarı Rafail'' Väliev häm başqalar belän söyläşülär, balalar baqçaları, törle sotsial'' üzäklär belän tanışu istä qalğan. Qazan Kremle, Qazannıñ muzeyları, törle qatlam keşeläre Şenol Balğa tä''sir yasağan.
Bu oçraşuda qatnaşqan kürenekle xatın-qız liderları: Kämäriä Safiullina, cırçı Gölzadä Safiullina, möfti Ğosman İsxaqinıñ änise Räşidä abıstay häm başqalar üz çığışlarında törki xatın-qızlarına Tatarstan cirendä niçek yäşäwe, fidaqär''lege häm ruxi potensialı turında söylädelär. Ayırım ruxi häm sotsial'' mäs’älälär buyınça bäxäsle sorawlar birelep, alarğa mäğnäle cawaplar äytelde. Bötendönya Tatar Kongressı Başqarma Komitetı räiseneñ berençe urınbasarı İl''sur Xädiullin Şenol xanımnı täbrikläp, anıñ küp qırlı eşçänlegendä uñışlar teläde. Şenol Bal Qazannan yöz ille çaqrımdağı Şähri Bolğarğa barıp, meñ yıl elek tözelgän binalar, arxeologik tarix häykälläre belän tanışqan. Pänceşämbe könne Qazannan Törkiägä oçıp kiter aldınnan Şenol xanım üzeneñ Tatarstanğa säfäre, mondağı aldınğı fikerle, milli ruxlı keşelär belän oçraşuına qänäğät buluın äytte.
Albina Zäynulla, Qazan
XS
SM
MD
LG