Prokuratura mäxkamä eşen tizlätü öçen inde berniçä märtäbä advokatlar bilgeläwne sorağan ide. Tabiblar da Miloşeviçnıñ sälamätlege mäxkamädä üz üzen yaqlaw mömkinlege birmi dide.
Mäxkamä britan advokatları Steven Kay belän Gillian Higginsnı Miloşeviçnıñ wäkile itep bilgeläde.
Miloşeviç mäxkamäneñ bu qararın cäncal dip atadı häm mäxkamä mine üz üzemne yaqlaw xoquqımnan mäxrüm itärgä tieş tügel dide. Miloşeviç bu qararğa qarşı appelyatsiä belän çığaçağın belderde.
Çärşämbe könne 63 yäşlek Miloşeviç Balkanda etnik çistartular ütkärü turındağı ğäyepläwlärgä qarşı üz üzen yaqlawnı açıp cibärü eşen tämamladı. Ämma sälamätlege naçar bulu säbäple bu eş berniçä ayğa soñardı.
