Başqortstannıñ satirik jurnalı “Hänäk”neñ baş möxärrire, Jurnalistlar berlege räise Marsel' Sälimovnıñ “Bergäläp köleşik” digän kitabı Qazanda basılıp çıqtı. Menä şuşı uñaydan häm kollegaları belän aralaşu öçen ul Qazanğa kilde.
Ämma Marsel' Sälimov tiz arada plannarın tormışqa aşırıp, Ufağa qaytıp kitä almadı. Osetiädä bulğan taciğa häm traur könnärendä “Bergäläp köleşik” kitabın täqdir itü kiçekterelde. Şulay da Başqortstan qunağınıñ Qazandağı könnäre buşqa ütmäde. Ul däwlät, cämäğät eşlekleläre, yazuçıları belän oçraştı.
Sişämbe kiçendä mätäm mitingınnan soñ Qazannıñ Duslıq yortında Tatarstan başqortları möxtäriäte wäkilläre Ufa qunağı belän oçraştı. Bu oçraşuğa möxtäriät räise Firdäwes Bäşirova, anıñ tormış iptäşe Yadkär, Tatarstan rässamnar berlege räise Abrek Abzgildin häm tağın berniçä keşe kilgän ide. Şulay uq “Çayan” jurnalınıñ baş möxärrire Räşit Zäkiev, Duslıq yortı xezmätkärläre dä şunda buldı.
Marsel' Sälimov Ufa qunağı häm populyar başqort jurnalı möxärrire bularaq nigezdä başqort telendä çığış yasap, Osetiädäge faciğa, Tatarstan, Başqortstan respublikalarınıñ häm tatar - başqortlarnıñ duslığı, “Hänäk” jurnalınıñ tarixı häm bügengese turında söyläde. Qazan jurnalistları Marsel' Sälimovnı tatar awılında tuıp, tatar mäktäbendä, annarı başqort universitetınıñ tatar bülegendä uqığan ädip dip belälär. Xäzer ul başqort yazuçısı bularaq tanılğan. Bu oçraşuda Marsel' Sälimov tatar, başqort mönäsäbätläre belän küptännän qızıqsınuın äytte häm şul turıda üzeneñ äsärlären dä uqıdı.
Oçraşuda cıyılğan qazan başqortları ällä ni küp bulmasalar da, tatar häm başqort millätlären ayırıp toruçı taş diwarlarnıñ bötenläy bulmawı yaxşıraq añlaşıldı.
Ä çärşämbe könne Marsel' Sälimov Qazan universitetında uquçı bulaçaq tatar jurnalistları belän oçraştı.
Al'bina Zäynulla, Qazan.
Ämma Marsel' Sälimov tiz arada plannarın tormışqa aşırıp, Ufağa qaytıp kitä almadı. Osetiädä bulğan taciğa häm traur könnärendä “Bergäläp köleşik” kitabın täqdir itü kiçekterelde. Şulay da Başqortstan qunağınıñ Qazandağı könnäre buşqa ütmäde. Ul däwlät, cämäğät eşlekleläre, yazuçıları belän oçraştı.
Sişämbe kiçendä mätäm mitingınnan soñ Qazannıñ Duslıq yortında Tatarstan başqortları möxtäriäte wäkilläre Ufa qunağı belän oçraştı. Bu oçraşuğa möxtäriät räise Firdäwes Bäşirova, anıñ tormış iptäşe Yadkär, Tatarstan rässamnar berlege räise Abrek Abzgildin häm tağın berniçä keşe kilgän ide. Şulay uq “Çayan” jurnalınıñ baş möxärrire Räşit Zäkiev, Duslıq yortı xezmätkärläre dä şunda buldı.
Marsel' Sälimov Ufa qunağı häm populyar başqort jurnalı möxärrire bularaq nigezdä başqort telendä çığış yasap, Osetiädäge faciğa, Tatarstan, Başqortstan respublikalarınıñ häm tatar - başqortlarnıñ duslığı, “Hänäk” jurnalınıñ tarixı häm bügengese turında söyläde. Qazan jurnalistları Marsel' Sälimovnı tatar awılında tuıp, tatar mäktäbendä, annarı başqort universitetınıñ tatar bülegendä uqığan ädip dip belälär. Xäzer ul başqort yazuçısı bularaq tanılğan. Bu oçraşuda Marsel' Sälimov tatar, başqort mönäsäbätläre belän küptännän qızıqsınuın äytte häm şul turıda üzeneñ äsärlären dä uqıdı.
Oçraşuda cıyılğan qazan başqortları ällä ni küp bulmasalar da, tatar häm başqort millätlären ayırıp toruçı taş diwarlarnıñ bötenläy bulmawı yaxşıraq añlaşıldı.
Ä çärşämbe könne Marsel' Sälimov Qazan universitetında uquçı bulaçaq tatar jurnalistları belän oçraştı.
Al'bina Zäynulla, Qazan.
