Accessibility links

Кайнар хәбәр

Rusiä prezidentı Putin xalıqara mäğlümat agentlıqları wäkilläre belän oçraştı


Bügen Rusiä prezidentı Vladimir Putin Mäskäwdä xalıqara mäğlümat çaraları jurnalistları belän oçraştı. Üz çığışında prezident – xalıqara terror Rusiägä suğış iğlan itte häm ul xäzer ilneñ bötenlegen saqlap qalu öçen xökümätneñ böten köçen tuplarğa tieş, dide. Şuşı adımına qarata Putin bik küp täñqit işette. Ämma anıñ süzlärenä qarağanda, terror ber qayçan da Rusiäne demokratiä häm irekle iqtisad yulınnan kire bormayaçaq. (audio) "...mäğlümat çaraları terrorğa qarşı köräşkä üz öleşen kertergä tieş", dip sanıy Rusiä prezidentı. Putin şulay uq, xalıqara cämäğätçelek dönyada küpläp üterü qorallarınıñ taraluına qarşı berlektä köräşergä tieş, dide. Quşma Ştatları tarafınnan atom qoralı citeşterüdä ğayeplängän İrannı Putin, Xalıqara Atom Agentlığı taläplären ütärgä häm tikşerülär uzdırırğa mömkinlek birergä çaqırdı. Yukos neft şirkäten däwlät milkenä äyländerü maqsatı yuq, dide Putin.
XS
SM
MD
LG