İslamabadta BMO räsmie Äfğänstanda kiläse ayda ütäçäk prezident saylawlarında qatnaşuçılarnıñ 10 protsentın qaçaqlar täşkil itäçäk dip belderä.
Paqstanda häm İranda saylaw eşlären qarawçı BMO mödire Peter Erben ildän çittä tawış birüne oyıştıru möhim dide.
Paqstanda 600 meñnän 800 meñgä qädär, İranda 400 meñnän 600 meñgä qädär Äfğän saylawçısı bar dip isäplänelä.
BMO häm Xalıqara Migratsiä Oyışması Paqstanda häm İrandağı äfğän qaçaqlar öçen tawış birü urınnarı buldıra.
Erben Paqstandağı äfğän saylawçılarına suğışçan törkemnär tarafınnan yanaw buluı turında belderde.
Uzğan atnada Taliban tarafdarları qaçaq lagerlarında saylawlarnı oyıştıruçılarnı üterergä häm saylawlarda qatnaşmasqa çaqıruçı qäğäzlär tarattı.
