AQŞnıñ Üzäk Küzläw İdaräse CİA xisabındağı, Rusiä häm Fransiäneñ qayber säyäsätçeläre häm eşquarları elekke Ğiraq citäkçelärennän rişwät alğan digän mäğlümatne, bügen ike il dä kire qaqtı. Fransiä tışqı eşlär ministrlığı bu xisapnı "nigezsez" dip atadı. Anda Fransiäneñ elekke eçke eşlär ministrı Charles Pasqua häm eşquar Patrick Maugein telgä alına. CİA xisabında bu keşelärgä Saddam Hösäin, Berläşkän Millätlär Oyışmasında Ğiraqtan sanksiälärne alu öçen rişwät birgän, dielä. Xisapta telgä alınğan Rusiä säysmäne Vladimir Jirinovsky da üzeneñ Ğiraqtan rişwät alğanın kire qaqtı. CİA xisabın bäysez çığanaqlar raslamıy.
