Sydney. Australiäneñ xäzerge premyer-ministrı John Howard üz partiäseneñ çirattağı saylawlarda ciñep çığuın belderde häm saylawçılarnıñ üzenä ğädättän tış ışanıç kürsätüen buysınıp qabul itüen äytte. Anıñ şuşı belderüenä qädär oppozitsiädäge Xezmät partiäse citäkçese Mark Latham üzeneñ saylawlarda ciñelüen tanığan ide. Saylawlarğa äzerlek üzägendä nigezdä iqtisadi mäs'älälär torsa da, tawış birü üzenä kürä Australiäneñ Ğiraqta üz xärbilären totuına bağışlanğan ber referendum bularaq qaraldı. Premyer-ministr bulıp 1996-nçı yıldan birle torğan häm xäzer dürtençe märtäbägä saylanğan Howard Washingtonnıñ yaqın berektäşe sanala häm Ğiraqtan Australiäneñ 900 ğäskärien çığarmayaçağın belderä.
