Accessibility links

Кайнар хәбәр

Britaniä häm Germaniä räsmiläre bu atnada İrannıñ atom programması wäkilläre belän oçraşa


Britaniä häm Germaniä tışqı eşlär ministrları Jack Straw häm Joschka Fischer bügen Londonda ütkärgän matbuğat oçraşuında pänceşämbe könne İran räsmiläre belän Tährannıñ uran bayıtu plannarı mäs'äläsendä oçraşu bulaçaq, dip belderde. Aña qadär Britaniäneñ xalıqara iminlek ministrı Denis MacShane, İrannı üzeneñ atom programmasın tuqtatırğa çaqırğan ide. Xalıqara Atom Energiäse Agentlığı İranğa uran bayıtu programmasın tuqtatır öçen 25nçe noyabergä qadär waqıt birde. Bu waqıtqa qadär İran ber ni dä eşlämäsä – mäs'älä Berläşkän Millätlär Oyışmasınıñ iminlek şurasında qaralaçaq. İran Atom Energiäse Oyışması, Tähran üzeneñ uran bayıtu xoquqınnan baş tartmıyaçağına basım yasıy. Tähran şulay atom qoral citeştermäwen iqrar itep kilä.
XS
SM
MD
LG