Dönyada korrupsiä däräcäsen küzätep baruçı Transparency İnternational oyışması üzeneñ çirattağı xisabın bäyän itte. 146 ildän torğan isemlektä, Üzäk Aziä illäre isemlekneñ asqı, yağni naçar öleşendä qala birä. Xisapta äytelgänçä, dönyanıñ 60lap ilendä, şul isäptän neft tabuçı illärdä, korrupsiä çäçäk ata. Bar dönya buylap cämğiäwi tarmaqta birelgän rişwät küläme yılına 400 milliard dollar täşkil itä.
