Bügen Ğiraq xakimiätläre 52 keşene, şul isäptän 49 qoralsız soldatnı häm 3 maşina yörtüçene atıp ütergän keşelärne totıp cäzağa tartırğa wäğdä birde. Bu üterülär öçen cawaplılıqnı suğışçan islamçı Äbü Mussab äz-Zärqäwi törkeme üz östenä aldı.
Ğiraqlı tikşerüçelär belderüençä, alar xäzer armiä saflarına intixarçılarnıñ ütep kergän buluı mömkinlegen tikşerä.
Bügen Baquba şähärendä yuğa quyılğan 2 bomba şartladı, ber politsiä xezmätkäre hälak buldı.
Uzğan töndäge hawa höcümnärennän soñ bügen AQŞ köçläre Fällücä tiräsendä üz pozitsiälären nığıttı. Ğiraqnıñ küçeş çorı xökümäte Ğinwarda ütäçäk saylawlarğa qädär Fällücädäge qarşılıqqa tınıç çişeleş tabarğa tırışuı turında belderä.
AQŞ Ğiraqta 342 tonna köçle şartlatqıçlarnıñ niçek yuqqa çıqqanlığın tikşerä. Uzğan yılnıñ aprel ayında yuqqa çıqqan bu şartlatqıçlar atom bombasına detornator bularaq yäi oçqıçlarnı häm binalarnı şartlatu öçen qullanıla.
