Çärşämbedäge täräqiätne Yevropa Berlegendä säyäsi krizis dip bäyäläp bulmıy kiresençä Yevropa Parlamentı möher suğıp utırğan parlament bulmawın kürsätep , yevropa watandaşları aldında xörmäten arttırdı.İyül ayında zur küpçelek tawış belän Yevropa Komisiäse prezidentı itep saylanğan , Portugalneñ eleke premyere Jose Manuel Barosso aylardan birle 24 komisarnı saylaw belän mäşğül ide.Yustitsiä komisarı itep bilgälängän ultra konservativ qaraşlı İtalian Rocco Buttiglione ber ike atna elek homoseksullek ul xästälek , xatın qızlarnıñ eşe bala tudıru kebek süzlär äytep Yevropada kultur suğışına säbäp buldı.Barosso, Papanıñ dustı fälsäfä profesorı Buttiglioni belän qıyınlıqlar bulaçağın kürep anıñ kire çaqırtıluı öçen İtalianıñ konservativ premyere Berlusconingä möräcäğät itsä dä , cawap tiskäre buldı. Barosso parlamentnı künderü diskriminatsiägä yul quymayaçağın añlatu öçen törle çaralar täqdim itep qaradı.Parlamenttağı konservativ firqalar Butiglionine yaqlayaçaqların äytsälär dä bu çın ciñü bulmas ide. Barosso sişämbe kiç parlamenttağı törle fraksiälär belän oçraşular ütkärgännän soñ çärşämbedä ul tawış birüdän 2 säğät elek parlament aldına kilep bolay dide(audio)
Min tawış bügen birelsä näticä Yevropa oyışmaları yäki Yevropa proyektları öçen yaxşı bulmayaçaq digän näticägä kildem.
Töp belä Butiglioni bulsa da, Parlamentta barğan debatlar tağı ber niçä komisarnıñ da kvalifikatsiäläreneñ citärlek bulmawın kürsätte.. Mäğlüm bulğança parlament 24 komisarğa ayrım tawış birmi ä törkem bularaq yä qabul itä yä dä kire qağa. Barosso bügen moñı qabul itep(audio) Şura belän sezneñ belän kiñäşläşü yaña komisiäneñ nıq yaqlaw aluı öçen miña kübräk waqıt kiräk dip söyläde
Yevropa Berlegeneñ çirattağı prezidentı Gollandiäneñ Yevropa mäsäläläre ministırı Atzo Nicolai(audio)
Xasıyl bulğan wazğiät säbäple älege Yevropa komisiäse , Prodi Komisiäse kiräk bulğan qädär eş başında toraçaq dip äytte
Çärşämbädäge täräqiät Yevropa Parlamentınıñ arta barğan köçen kürsätä.Yevropa Parlamentı komisiä yäki berlek citäkçeläreneñ yasağan basımğa qarşılıq kürsätäçägen añlata başladı Parlament citäkçese Borell bügen parlament demokratik oyışma bularaq üz rolen nığıttı dip belderde. Yevropa komisiäseneñ yaña prezidentı Barosso atnalarça dewam itkän parlament basımı näticäsendä bügen ciñelüen qabul itep törkemen tawışqa quymasqa buldı.Bügen ul (audio)
Sonğı könnär Yevropa Berlegeneñ nıq säyäsi qorılış buluın kürsätte,äğza illärneñ xalqı tarafınnan saylanğan Yevropa Parlamentı Yevropanıñ idaräsendä möhim rol uynıy dide
Barosso kiläse ay azağında parlamentarlarnıñ qaraşların küzdä totıp komisarların üzgärtep parlament aldına kiläçäk.
Yevropa Parlamentınıñ utırışınnan soñ yäşellär fraksiäseneñ citäkçse Daniel Cohn Bendit(audio)
Bu yevropada demokratik idel öçen ciñü bulıp tora. Bezdä wazıyfasın ütägän oyışmalar bar. Şura tarafınnan bilgelängän, parlamentnıñ küpçelege tarafınnan qabul itelgän prezident komisiäne bilgeli , ämma bu komisiä küpçelek tawış alalmiyaçağı öçen täqdimen kire ala, ul yaña täqdim belän kilergä tieş. Bu demokratik yäşäw ısulı dip belderde Reutersga
färidä xämit
Yevropa Komisiäseneñ yaña räise komisarlar törkemen Yevropa Parlamentında tawışqa quyunı kiçekterde
Yevropa Komisiäse prezidentı itep bilgelängän Jose Manuel Barosso Yevropa Parlamentınıñ veto salu ixtimalä säbäple üzeneñ 24komisarın sonğı mizgeldä täqdim itüdän wazkiçep, yaña törkem oyıştıru öçen östämä waqıt soradı. Parlamenttağı törle firqalar Barossonıñ yustitsiä komisarı itep bilgelärgä telägän şäxesne,anıñ homoseksuallär häm xatın qıznıñ role turında beyan itkän fikerläre säbäple nıq tänqitläp kilde. Romano Prodi citäkçelegendäge eleke yevropa komisiäseneñ mandatı 1nçe noyäberdän başlap ozaytıldı.