Hindstan premyer-ministrı Manmohan Singh 2 köngä Kaşmirğa kilde. Säfäreneñ maqsatı – Paqstan belän Hindstan arasında nizaqqa kitergän töbäktä tınıçlıq urnaştıru yulların tabu. Kilgäç tä, Singh, Kaşmirda tınıçlıq urnaştıru öçen "teläsä kem belän" söyläşülär uzdırırğa äzer bulğanın belderde. Hindstan xärbiläre Kaşmirda premyer-ministr Singh kilüe aldınnan bulğan bäreleşlärdä ike suğışçını atıp üterde. Singh kilgänçe Kaşmirdan meñgä yaqın Hindstan xärbie çığarıldı, ğaskärlärne çığaru däwam itäçäk. Kaşmir mäs'äläsendä ike il arasında inde ike suğış buldı, ämma ğınwar ayınnan birle ike yaq ta tınıçlıq urnaştıru tırışlıqların kürä.
