Rusiä perzidentı bu könnärdä bersennän-berse qızığraq belderülär yasıy, xörmätle tıñlawçılar. Çärşämbedä Mäskäwdä ilneñ qorallı köçläre citäkçelege belän uzğan oçraşuında ul bolay dip belderde.
Audio, Vladimir Putin
"Bez kiläçäktä dä özlekle wä qatği töstä ğomumän alğanda, bar qorallı köçlärne dä, anıñ atom qoralları öleşen dä nığıtu eşen däwam itäçäkbez. Bez tikşerenülär häm uñışlı sınawlar ütkärü belän genä çiklänmibez, imanım kamil, başqa berkemdä dä bulmağan şul atom qoralları yaqın kiläçäktä ğäskärgä tapşırılaçaq" di Vladimir Putin. Üzeneñ şuşı belderüenä ul kiñräk açıqlıq kertmäde, ämma anıñ süzläre, alar nigä näq menä xäzer äytelde digän sorawlar uyattı. Mäskäwdä yäşägän xärbi belgeç Pavel Felgenhauer fikerençä, prezident Putinneñ şuşı çığışı Rusiä cämäğätçelegen häm bigräk tä anıñ ğäskäri öleşen, il äle haman da qüwätle ber xärbi köç bulıp qala dip tınıçlandıru maqsatın quyğan bulğan. Felgenhauer, Rusiä qorallı köçläreneñ Çeçnädäge buldıqsızlığı häm Beslan kebek faciğälärneñ qabatlanuı sürätendä Putin menä şundıy ömetle belderülär yasap torırğa mäcbür di.
Audio, Pavel Felgenhauer
"Qorallı köçlärneñ, şul isäptän, atom qüwäteneñ dä sıyfatı torğan sayın şik astına alına, şuña kürä dä Putin häm saqlanu ministrlığı öçen, cämäğätçelekkä nindider "böyek qazanışlar", ilneñ haman da böyek däwlät buluı turında söyläp toru bik möhim" di Pavel Felgenhauer. Monıñ döreslegen tağın şul da raslıy - şul uq cıyılışta Putin, Rusiägä yanağan töp qurqınıç bulıp xäzer terror tora dip belderde. Läkin Rusiäne terrordan hiç kenä dä Putin telgä alğan yaña buın atom qoralları saqlıy almayaçaq di Quşma Ştatlarnıñ suğış kölliätendä uqıtqan Stephen Blank. Bu oçraqta Mäskäwneñ, Quşma Ştatlar başlap cibärgän yaña saqlanu programmasına üz cawabın ezläwe turında uylarğa bula. Zamanında Rusiä citäkçelege, amerikannarnıñ üz östendä raketa qalqanı buldıru tırışlıqlarına, "assimmetrik" cawap qaytaraçağın äytkän ide. Çärşämbe çığışında Putin näq menä şuña işarä itkänder digän faraz bedlerä Pavel Felgenhauer. Ä inde Rusiä prezidentınıñ, şul qorallar başqa illärdä yuq düenä kilgändä, bu çınnan da şulay bula ala, çönki Quşma Ştatlarnıñ saqlanu sistemasına qarşı tağın da kamilräk qoral citeşterü ixtiacı älegä yuq ide, anıñ üzennän başqa andıy saqlanu sistemasın bügenge köndä ber genä il dä qorırğa tırışmıy. Räsmi Washingtonnıñ Putin belderüenä bik tınıç möğämälä kürsätüe dä näq menä şul xaqta söyli ala.
Kärim Kamal
Audio, Vladimir Putin
"Bez kiläçäktä dä özlekle wä qatği töstä ğomumän alğanda, bar qorallı köçlärne dä, anıñ atom qoralları öleşen dä nığıtu eşen däwam itäçäkbez. Bez tikşerenülär häm uñışlı sınawlar ütkärü belän genä çiklänmibez, imanım kamil, başqa berkemdä dä bulmağan şul atom qoralları yaqın kiläçäktä ğäskärgä tapşırılaçaq" di Vladimir Putin. Üzeneñ şuşı belderüenä ul kiñräk açıqlıq kertmäde, ämma anıñ süzläre, alar nigä näq menä xäzer äytelde digän sorawlar uyattı. Mäskäwdä yäşägän xärbi belgeç Pavel Felgenhauer fikerençä, prezident Putinneñ şuşı çığışı Rusiä cämäğätçelegen häm bigräk tä anıñ ğäskäri öleşen, il äle haman da qüwätle ber xärbi köç bulıp qala dip tınıçlandıru maqsatın quyğan bulğan. Felgenhauer, Rusiä qorallı köçläreneñ Çeçnädäge buldıqsızlığı häm Beslan kebek faciğälärneñ qabatlanuı sürätendä Putin menä şundıy ömetle belderülär yasap torırğa mäcbür di.
Audio, Pavel Felgenhauer
"Qorallı köçlärneñ, şul isäptän, atom qüwäteneñ dä sıyfatı torğan sayın şik astına alına, şuña kürä dä Putin häm saqlanu ministrlığı öçen, cämäğätçelekkä nindider "böyek qazanışlar", ilneñ haman da böyek däwlät buluı turında söyläp toru bik möhim" di Pavel Felgenhauer. Monıñ döreslegen tağın şul da raslıy - şul uq cıyılışta Putin, Rusiägä yanağan töp qurqınıç bulıp xäzer terror tora dip belderde. Läkin Rusiäne terrordan hiç kenä dä Putin telgä alğan yaña buın atom qoralları saqlıy almayaçaq di Quşma Ştatlarnıñ suğış kölliätendä uqıtqan Stephen Blank. Bu oçraqta Mäskäwneñ, Quşma Ştatlar başlap cibärgän yaña saqlanu programmasına üz cawabın ezläwe turında uylarğa bula. Zamanında Rusiä citäkçelege, amerikannarnıñ üz östendä raketa qalqanı buldıru tırışlıqlarına, "assimmetrik" cawap qaytaraçağın äytkän ide. Çärşämbe çığışında Putin näq menä şuña işarä itkänder digän faraz bedlerä Pavel Felgenhauer. Ä inde Rusiä prezidentınıñ, şul qorallar başqa illärdä yuq düenä kilgändä, bu çınnan da şulay bula ala, çönki Quşma Ştatlarnıñ saqlanu sistemasına qarşı tağın da kamilräk qoral citeşterü ixtiacı älegä yuq ide, anıñ üzennän başqa andıy saqlanu sistemasın bügenge köndä ber genä il dä qorırğa tırışmıy. Räsmi Washingtonnıñ Putin belderüenä bik tınıç möğämälä kürsätüe dä näq menä şul xaqta söyli ala.
Kärim Kamal