Accessibility links

Кайнар хәбәр

Yewropa Fälestin saylawlarına küzätüçelär cibärä


Yewropa Berlege Gazada häm Könbatış Yardağı fälestin cirlärendä prezident saylawlarına küzätüçelär cibäräçägen belderde. Berlek Fälestinlelär häm tınıçlıq öçen yaña citäkçelekneñ ışanıçlı saylawlar nigezendä xoquqıy nigez aluı zarur dide. AQŞ Däwlät Sekretare Colin Powell äytüençä, İzrail' citäkçeläre Fälestinlelärgä 9-nçı ğinwarda uñışlı saylawlar ütkärergä yardäm itäçäk. Bügen Yerusalimda İzrail' citäkçeläre belän söyläşüdän soñ Powell İzrail'lelärneñ bu saylawlarnı oyıştıruda qatnaşırğa teläk belderüen xupladı. Powell Xäzer yaña çorğa fälestinlelär dä üz yulların tabarğa tieş dide.

AUDİO: Bu yaña çorda Fälestinlelär terrorçılıqqa qarşı buluların açıqtan açıq belderergä häm fälestin cämğiäteneñ barlıq öleşlären bergä cıyıp alarğa qotırtu, köç qullanunı tuqtatırğa waqıt citüen añlatırğa tieş.

İzrail' tışqı eşlär ministrı Silvan Şalom İzrail' 9-nçı ğinwardağı saylawlarnıñ şoma ütüen tä'min itü öçen köçennän kilgänneñ barın da eşliäçäk dide. Soñraq Powell Könbatış Yarğa barıp Yerixon şähärendä waqıtlı fälestin citäkçelege belän oçraştı.
XS
SM
MD
LG