Çärşämbe kiçendä Ukrainanıñ üzäk saylaw komissiäse (ÜSK) nixayät saylaw näticälären rasladı. Soñğı sannar düşämedä iğlan itelgännärennän ällä ni ayırılmıy. Yanukoviç - 49.46%, Yuçenko – 46.61% tawış cıyğan dielde. Üzäk saylaw komissiä räise Serhiy Kivalov premier-ministr Viktor Yanukoviçnıñ prezident bulıp saylanuın iğlan itte.
Audio (Serhiy Kivalov)
Oppozitsiä citäkçese Viktor Yuçenko Bäysezlek myädanında cıyılğan meñlägän tarafdarı aldında çığış yasap, Üzäk saylaw komissisäseneñ bu qararı ilne watandaşlar kofliktı aldına quydı dip belderde:
Audio (Viktor Yuçenko)
Yuçenko süzlärençä, xökümät, säyäsi söyläşülär yulın çitkä qağıp, iñ primitiv yulnı sayladı: konfliktnı üsterü yulın:
Audio (Viktor Yuçenko)
Çärşämbedä tözelgän İlne Qotqaru komietı isemennän Yuçenko üz tarafdarların ilküläm qarşılıq çaraları başlarğa çaqırdı:
Audio (Viktor Yuçenko)
Şulay itep, Ukrainada kierenkelek arta bara. Quşma Ştatlar, Yevropa Berlege, Yevropada iminlek häm xezmättäşlek oyışması, yäkşämbe ütkän saylawlarnı demokratiä taläplärenä turı kilmi dip sanıy.
Çärşämbedä, üzäk saylaw komissiäse Yanukoviçnı ciñüçe dip iğlan itkännän soñ, Quşma Ştatlar däwlät sekretare Colin Powell, bu qararnı tanımawın belderde:
Audio (Colin Powell)
"Bez bu näticäne qanuni dip tanıy almıybız, çönki ul xalıqara taläplärgä turı kilmäde, tawış birü waqıtında küp sanlı tärtip bozular, xärämläşülär turındağı xäbärlär tikşerelmäde."
Powell süzlärençä, Ukraina citäkçeläre demokratiä yulınnan baru-barmaw mäsäläsen xäl itergä tieş. Powell äytüençä, ul Leonid Kuçmağa şaltıratıp, xärämläşülärne tikşerergä, protest belderüçe distälägän meñ keşegä qarşı köç qullanmasqa çaqırğan. Ukraina räsmilärenä Ukraina xalqın ixtiram itkän çişeleş tabu äle dä soñ tügel, dide Powell, häm dä Ukraina räsmilären bu forsatnı ıçqındırmasqa çaqırdı.
-Ali Gilmi
Audio (Serhiy Kivalov)
Oppozitsiä citäkçese Viktor Yuçenko Bäysezlek myädanında cıyılğan meñlägän tarafdarı aldında çığış yasap, Üzäk saylaw komissisäseneñ bu qararı ilne watandaşlar kofliktı aldına quydı dip belderde:
Audio (Viktor Yuçenko)
Yuçenko süzlärençä, xökümät, säyäsi söyläşülär yulın çitkä qağıp, iñ primitiv yulnı sayladı: konfliktnı üsterü yulın:
Audio (Viktor Yuçenko)
Çärşämbedä tözelgän İlne Qotqaru komietı isemennän Yuçenko üz tarafdarların ilküläm qarşılıq çaraları başlarğa çaqırdı:
Audio (Viktor Yuçenko)
Şulay itep, Ukrainada kierenkelek arta bara. Quşma Ştatlar, Yevropa Berlege, Yevropada iminlek häm xezmättäşlek oyışması, yäkşämbe ütkän saylawlarnı demokratiä taläplärenä turı kilmi dip sanıy.
Çärşämbedä, üzäk saylaw komissiäse Yanukoviçnı ciñüçe dip iğlan itkännän soñ, Quşma Ştatlar däwlät sekretare Colin Powell, bu qararnı tanımawın belderde:
Audio (Colin Powell)
"Bez bu näticäne qanuni dip tanıy almıybız, çönki ul xalıqara taläplärgä turı kilmäde, tawış birü waqıtında küp sanlı tärtip bozular, xärämläşülär turındağı xäbärlär tikşerelmäde."
Powell süzlärençä, Ukraina citäkçeläre demokratiä yulınnan baru-barmaw mäsäläsen xäl itergä tieş. Powell äytüençä, ul Leonid Kuçmağa şaltıratıp, xärämläşülärne tikşerergä, protest belderüçe distälägän meñ keşegä qarşı köç qullanmasqa çaqırğan. Ukraina räsmilärenä Ukraina xalqın ixtiram itkän çişeleş tabu äle dä soñ tügel, dide Powell, häm dä Ukraina räsmilären bu forsatnı ıçqındırmasqa çaqırdı.
-Ali Gilmi