Oppozitsiäneñ Ukraina xökümätenä töp däğwası - anıñ ikençe turnı küpsanlı xärämläşülär, premyer-ministr Viktor Yanukoviç faydasına yalğan tawışlar birü belän oyıştıruğa yul quyuı. Bügenge säyäsi krizis başında xakimiatneñ teläsä niçek üz nämzäten ütkärergä teläwe häm şul maqsatta törle qanun bozularğa baruı tora, bu xökümät yardämendä genä eşlänä ala, şuña kürä aña bügen ışanıç yuq - Ukraina oppozitsiäse şulay dip isäpli. Düşämbedä prezident Leonid Kuçma, bar ilneñ yäşäyeşenä qurqınıç tudırğan şuşı krizistan çığu yulı itep, yaña saylawlar ütkärüne täqdim itkän ide. Bu qabul itelsä, alar Ukrainada kiläse yılnıñ martınnan da irtäräk ütä almayaçaq, ä oppozitsiä aña qädär Yanukoviçne xakimiattä qaldırırğa telämi. Yuçenko yağı ğomumän, haman da barı tik ikençe turnı qabatlaw belän genä kileşüen belderä, çönki kierenkelek saylawlar säbäple tügel, ä alarnıñ ikençe turında Yanukoviç yağınıñ tupas xärämläşülärgä baruı arqasında çıqtı. Andıy oçraqlar Ukrainanıñ könyaq-könçığışında, Donetski häm Luhanski ölkälärendä kiñ taralğan ide, Yuğarı mäxkämä utırışında xäzer näq menä şular tikşerelä. Turıdan-turı bulmasa da, monı Viktor Yanukoviç üze dä tanıdı, ul, ägär dä şul ike ölkädä xärämläşülär buluı açıqlana ikän, min anda yaña tawış birü ütkärü belän rizalaşa alam dip belderde.
Audio, Viktor Yanukoviç
Xakimiat nämzäte Yanukoviç şulay itep, qanunğa qarşı ğämällär buluı açıqlansa, üzeneñ tawış birüne yañadan ütkärü belän kileşäçägen äytä. Ä oppozitsiä citäkçese Viktor Yuçenko fikerençä, könyaq-könçığış ölkäläre citäkçeläreneñ xäzer cirle moxtariat tözergä totınuı da, alarnıñ ikençe turda oyıştırğan qanun bozuları öçen cawaplılıqtan qaçarğa tırışuı belän añlatıla.
Audio, Viktor Yuçenko
"Xäylä şunda ki, ayırılu teläge ikençe turda saylaw näticälären bozğan Xarkiv, Luhanski, Donetski, Odessa ölkäläre häm Qırım xakimiate tarafınnan iğlan itelde. Ayırılu belän yanap alar üzlären, qılğan cinayätläre öçen cawaplılıqqa tartıludan saqlap qalmaqçı. Şuña kürä dä ottırğan yaq xäzer ayırılu ideäse belän çığa, ämma bu könçığış Ukrainadağı ğadi xalıqnıñ teläge tügel" di Viktor Yuçenko. Sişämbedä Ukrainanıñ ikegä - könçığış häm könbatış öleşlärenä bülenügä taba baruı beraz aqrınaydı, düşämbedä prezident Kuçmanıñ qayber ölkä citäkçeläre belän oçraşuı ütkän ide. Sişämbe könne Donetski ölkäsendä şuşı yäkşämbegä bilgelängän referendumnı kiçekteru turında xäbär kilde. Ölkäneñ citäkçelege berük waqıtta, Donetskineñ Ukrainadan ayırılırğa cıyınmawı, barı tik ilne federatsiägä äyländerergä teläwe turında äytte. Ukrainanıñ baş prokuraturası isä, ilne bülgäläw, anıñ bötenlegenä qarşı çığu oçraqları uñayınnan cinayät eşläre açuın belderde. Yaqın aralarda Kievkä Yevropa Berlegeneñ tışqı säyäsät wä iminlek ölkäsendäge yuğarı wäkile Javier Solana kiler dip kötelä. Anıñ belän Pol''şa prezidentı Aleksandr Kwasniewski dä bula ala dip xäbär itelä.
Kärim Kamal
Audio, Viktor Yanukoviç
Xakimiat nämzäte Yanukoviç şulay itep, qanunğa qarşı ğämällär buluı açıqlansa, üzeneñ tawış birüne yañadan ütkärü belän kileşäçägen äytä. Ä oppozitsiä citäkçese Viktor Yuçenko fikerençä, könyaq-könçığış ölkäläre citäkçeläreneñ xäzer cirle moxtariat tözergä totınuı da, alarnıñ ikençe turda oyıştırğan qanun bozuları öçen cawaplılıqtan qaçarğa tırışuı belän añlatıla.
Audio, Viktor Yuçenko
"Xäylä şunda ki, ayırılu teläge ikençe turda saylaw näticälären bozğan Xarkiv, Luhanski, Donetski, Odessa ölkäläre häm Qırım xakimiate tarafınnan iğlan itelde. Ayırılu belän yanap alar üzlären, qılğan cinayätläre öçen cawaplılıqqa tartıludan saqlap qalmaqçı. Şuña kürä dä ottırğan yaq xäzer ayırılu ideäse belän çığa, ämma bu könçığış Ukrainadağı ğadi xalıqnıñ teläge tügel" di Viktor Yuçenko. Sişämbedä Ukrainanıñ ikegä - könçığış häm könbatış öleşlärenä bülenügä taba baruı beraz aqrınaydı, düşämbedä prezident Kuçmanıñ qayber ölkä citäkçeläre belän oçraşuı ütkän ide. Sişämbe könne Donetski ölkäsendä şuşı yäkşämbegä bilgelängän referendumnı kiçekteru turında xäbär kilde. Ölkäneñ citäkçelege berük waqıtta, Donetskineñ Ukrainadan ayırılırğa cıyınmawı, barı tik ilne federatsiägä äyländerergä teläwe turında äytte. Ukrainanıñ baş prokuraturası isä, ilne bülgäläw, anıñ bötenlegenä qarşı çığu oçraqları uñayınnan cinayät eşläre açuın belderde. Yaqın aralarda Kievkä Yevropa Berlegeneñ tışqı säyäsät wä iminlek ölkäsendäge yuğarı wäkile Javier Solana kiler dip kötelä. Anıñ belän Pol''şa prezidentı Aleksandr Kwasniewski dä bula ala dip xäbär itelä.
Kärim Kamal