Äfğanstan: Xämit Qarzainıñ ant itü merasimı

X.Qarzainıñ ant itü märasimı suqır äfganlı ğalim Qari Baraqatulla Saleemneñ qor''än uquı belän başlanıp kitte(audio) Talibannıñ kisätülärenä qaramastan inaguratsiä nıq saqlanğan prezident sarayında tınıç ütte. İlbaşı Äfgan konstitutsiäsenä kürä, islam prinsıpları şulayuq Äfganstannıñ konstitutsiä häm başqa qanunnarın ğämälgä quyaçaq häm xörmät itäçäk dip ant itte. Ber qulın Qor''ängä quyğan Qarzai Äfgan Yuğarı Mäxkämä räise Malavi Şinwarinıñ äytkännären qabatlap bardı (audio) Min äfgan xalqınıñ xoquq wä mänfäğätlären saqlayaçaqmım. Cänabı Allanıñ yardäme häm millätneñ yaqlawı belän ilne bayıtu täräqi itterü tırışlıqlarına däwam itäçäkmem .Alla yardämçem bulsın. X.Qarzai inaguratsiä çığışında äfgan xalqınıñ sonğı 3 distä yılda çikkän cafaları , şulayuq anıñ progresqa omtıluı xalıqnıñ tawış birügä küpläp qatnaşuında çağıldı dide. Ul il aldında torğan qurqınıçlarnı sanap, suğışçan törkemnärne taratıp , äfgan armiäse häm politsiäsen buldıru iminlek sektorın nığıtu prioritet bulıp tora dide. Qarzai şulayuq ildä qanunsz räweştä üsterelgän häm kontra banda yulı belän çitkä satılğan narkotika mäsäläsenä nıq basım yasadı. Äfganstan bügen dönyanı heroin belän tämin itkän töp il bulıp tora.Qarzai administrativ reformalar , qanun qağıydälär urnaştıru , rişwätçelekne beterüneñ ähämiäte turında söyläde.Ul Äfganstanda terror qurqınıçı nıq kimegän bulsa da,terrorğa qarşı suğış betmäde , terrorçılar belän narkotika operatsiäläre arasındağı mönäsäbät arta barğan borçılu tudıra dip äytep , bu qurqınıçqa qarşı regional häm xalıqara xezmättäşlekkä çaqırdı . İrtänge inaguratsiä merasimınnan elek AQŞ vitse prezidentı belän urtaq mätbuğat oçraşuı ütkärgän X.Qarzai, Amerikanı Äfganstanğa tınıçlıq wä demokratiä kiterüçe il dip atadı. Vitza prezident D.Cheney üz çiratında (audio) Zalımnär kitte. Terrorçı doşman taraldı, yuq buldı, Äfgan xalqı irekle .AQŞ häm bezneñ koalitsiä partnörlarıbız ilne irekländerüdä qıyu afgannarğa quşılğan öçen ğorurlanalar.Bez ireklek totrıqlılıq buldıru öçen äfgannar yanında torırğa däwam itäçäkbez. Xalıqara Krizis Törkemeneñ Qabulda urnaşqan belgeçe Vikram Parex Qarzainıñ xalıqnıñ küpläp qatnaşqan saylawlar zur uñış ide digän fikerläre belän kileşä. Parex bik az köç qullanu, bik az tınıçsızlıqlar bulğan saylawlar kötelmägän uñış ide , saylaw näticäläreneñ xalıqnıñ zur öleşe tarafınnan qabul itelüe apreldä bulaçaq parlament saylawları öçen optimizm tudıra dip äytä .Ämma Parex Qarzainıñ kabinetına kiteräçäk keşelär dä bik möhim di (audio) Xökümätne tözü turındağı söyläşülär dikäber urtalarına qädär däwam itär.Qarzai böten ilne wäkilçelek itüen kürsätergä tieş.Ägär dä ul xökümät qararlarınıñ ilneñ zur öleşe tarafınnan yaqlanuın teli ikän , xökümättä paştun bulmağan başqa etnik törkemnärneñ wäkilläre tik küz buyaw öçen genä tügel ä alarnıñ çın köçkä iä buluın kürsätergä tieş Xalıqara Krizis Törkeme äğzası Vikram Parex X:Qarzai ölkä häm xökümät däräcäsendä bulsa da legal bulmağan narkotika säwdäsenä qatnaşqandip uylanılğan yuğarı däräcädäge räsmilärne çitläşterergä tieş. Çönki andıy şäxeslär yaña xökümättä utırsa Äfganstanda narkotika eşläp çığaru häm kontrabandanı kimetüdä ışanıçlı tırışlıq alıp baru mömkin bulmayaq digän qaraşta Vikram Parex färidä xämit