BTK Başqarma komitetınıñ “Tatar xalqınıñ mädäniäte häm ruxi mirası” komissiäse utırışın Tatarstan mädäniät ministrınıñ urınbasarı İlfak İbrahimov alıp bardı. Qısqa ğına kereş süzdän soñ, ul komissiäneñ 2004 yıldağı eşçänlegenä yomğaq yasadı. Komissiä eşçänlegen Tatarstan konstitutsiäseneñ Tatarstannan çittä yäşäwçe millättäşlärebezgä milli mädäniätebezne, telebezne saqlawda yärdäm kürsätü turındağı undürtençe matdäse häm ike däwlät programması nigezendä alıp bara. Alar 2003-2007 häm 2004-2014 yıllarğa qaralğan iqtisadıy häm mädäni bağlanışlarnı häm tellärne üsterü programmaları. Yıl däwamında Qazaqstan, Ukraina häm Rusiäneñ 9 töbäge belän Tatarstan arasında kilüşelär tözelgän. Bu kileşülär çit cirlärdä yäşäwçe millättäşlärebez öçen qorı süzlär genä bulıp qalmıy. İqtisadıy mädäni bağlanışlar turında kileşülär tözegändä älege töbäkäklärdä milli-mädäni möxtäriätlär tözü şart bulıp tora. Şundıy kilüşelär nigezendä BTK Başqarma komitetı, ayırım alğanda anıñ mädäniät komissiäse tatarlar küpläp yäşägän töbäklärdä törle mädäni çaralar ütkärä. Üzeneñ çığışında İl''fak İbrahimov bıyıl ütkärelgän çaralarnıñ iñ asılı sabantuylar buluın ayırım äytte. Bıyıl BTK häm Mädäniät ministrlığı yärdäme belän Rusiä töbäklärendä häm BDB illärendä 55 cirdä sabantuylar ütkärelgän. Mädäniät komissiäse aldağı yılğa eş manzarasında berençe urınğa Qazannıñ meñ ellığın quya. Millättäşlärebez küpläp yäşägän töbäklärdä “tematik çaralar ütkärergä täqdim itelä”. Älbättä meñ ellıqqa bağışlanğan çaralarnıñ töp öleşe Qazanda ütä. “Tatarstan xalıqları bäyräme” çaraları 2005 yılnıñ 20 avgustında başlanaçaq häm un kön däwam itär inşalla.
BTK Başqarma komitetınıñ mädäniät komissiäse utırışında tıñlanılğan ikençe möhim mäs''älä- ul milli kadrlar äzerläw mäs’äläse. Çittä yäşäwçe millättäşlärebez älege problemanı çişüdä dä zur ömetlären Tatarstanğa bağışlıylar. Tatarstannıñ bu ömetlärne aqlarlıq xäle barmı soñ? Alabuğa mädäni-ağartu, Älmät häm Yar Çallı sänğät uçilişçeları, Qazannıñ mädäniät häm sänğät yuğarı uqu yortları citäkçeläre bu sorawğa uñay cawap birdelär. Yar Çallı sänğät uçilişçesı direktorı Ravil'' Bahautdinov äytüençä, bu uqu yortı 25 yıllıq tarixında 21 çığarılış yasağan häm meñnän artıq belgeç äzerlägän... Milli kadrlar äzerläwçe uqu yortlarınıñ problemaları söyeneçkäme, ä bälki ükeneçkäder, matdi mäs''älälär belän bäyle tügel ikän. Qazan däwlät mädäniät häm sänğät universitetı prorektorı Nail'' Safiullin söylägänçä, universitetta soñğı yıllarda töbäklärdän kilep uquçı yözärlägän tatar yäşläre diplom alıp çığa. Läkin alarnıñ kübese tuğan-üskän yaqlarına kire äylänep qaytırğa telämi-“bezneñ anda kirägebez yuq” dip belderälär ikän. Menä monısı inde küräsen Rusiä töbäklärendä yäşäwçe millättäşlärebezneñ ruxi xäle köyeneçle ikäneneñ kürsätkeçe. Şulay itep BTK Başqarma komitetınıñ “Tatar xalqınıñ mädäniäte häm ruxi mirası” komissiäseneñ başqarılğan eşläre iğtibarğa layıq, ä aldağı eşläre tağı da qatlawlı häm centekle.
Yunıs Ätnäle
BTK Başqarma komitetınıñ mädäniät komissiäse utırışında tıñlanılğan ikençe möhim mäs''älä- ul milli kadrlar äzerläw mäs’äläse. Çittä yäşäwçe millättäşlärebez älege problemanı çişüdä dä zur ömetlären Tatarstanğa bağışlıylar. Tatarstannıñ bu ömetlärne aqlarlıq xäle barmı soñ? Alabuğa mädäni-ağartu, Älmät häm Yar Çallı sänğät uçilişçeları, Qazannıñ mädäniät häm sänğät yuğarı uqu yortları citäkçeläre bu sorawğa uñay cawap birdelär. Yar Çallı sänğät uçilişçesı direktorı Ravil'' Bahautdinov äytüençä, bu uqu yortı 25 yıllıq tarixında 21 çığarılış yasağan häm meñnän artıq belgeç äzerlägän... Milli kadrlar äzerläwçe uqu yortlarınıñ problemaları söyeneçkäme, ä bälki ükeneçkäder, matdi mäs''älälär belän bäyle tügel ikän. Qazan däwlät mädäniät häm sänğät universitetı prorektorı Nail'' Safiullin söylägänçä, universitetta soñğı yıllarda töbäklärdän kilep uquçı yözärlägän tatar yäşläre diplom alıp çığa. Läkin alarnıñ kübese tuğan-üskän yaqlarına kire äylänep qaytırğa telämi-“bezneñ anda kirägebez yuq” dip belderälär ikän. Menä monısı inde küräsen Rusiä töbäklärendä yäşäwçe millättäşlärebezneñ ruxi xäle köyeneçle ikäneneñ kürsätkeçe. Şulay itep BTK Başqarma komitetınıñ “Tatar xalqınıñ mädäniäte häm ruxi mirası” komissiäseneñ başqarılğan eşläre iğtibarğa layıq, ä aldağı eşläre tağı da qatlawlı häm centekle.
Yunıs Ätnäle
