V.Putin kiñäşçese Aslambek Aslaxanov sonğı waqıtlarda Mäskäw belän könbatış arasında xasıyl bulğan kierenkelekne sülpänäytep bula dide. Bilgele bulğança sonğı atnalarda Kreml belän könbatış başqalaları arasında Ukrainada bäxäsläşelgän saylawlar häm Yevropada İminlek wä Xezmättäşlek Oyışmasınıñ post-sovet illärendäge role säbäple kierenkelände.Rusiä, şulayuq könbatış illären ike törle ülçäw qullanuda Çeçnädä Mäskäw ğämällären xöküm itüdä ä AQŞ citäklägän terrorğa qarşı suğışnı yaqlawda tänqitläde.Ämma Putinnıñ Tönyaq Kafkaz buyınça kiñäşçese Aslambäk Aslaxanov atnakiçtä BModa ütkärgän mätbuğat oçraşuında fiker ayırmalıqlarınıñ dialog aşa çişeläçägen äytte
(audio)
bez ber qayçan da terror häm moxacirlar probleması yuq dip äytmädek. Ämma başqa qaraştan çığıp äytelde.Dialog häm cıyılışlar aşa bu probelmanı xäl qılırbız.
Aslaxanov jurnalistlar belän BMOnıñ yaña oyışqan kontr –terrorizm komitetı başlığı Javier Ruperez belän küreşkännän soñ söyläşte.Ul Ruperez belän söyläşülären uñay dip bäyälägän.Aslaxanov Waşingtonda Milli İminlek kiñäşçese ofisı ,Däwlät Departamentı häm Eçke İminlek Departamentında ölkän räsmilär belän küreşä.Aslaxanov ütkändä Rusiäneñ Çeçnädäge xärbi operatsiäläre bik kisken dip tänqitli ide.Ul NYta mätbuğat oçraşuı ütkärgän bülmä diwarlarında 3 ay elek Beslanda mäktäpkä yasalğan terror höcüme turındağı foto räsemnär elengän ide.Aslaxanov töbäktä Şamil Basayev citäkçelegendäge möselman ekstremistları häm radikallär Çeçnä suğışı däwamında quätlände , alar yäş çeçännärne terror aktlarına cälep itä dip äytte
(audio)
Terror ğämällärenä qatnaşıp yäşep qalğan yäş keşelär soraw alğanda bezgä emirlär şulay eşlärgä quştı , kübräk keşe ütersäk cännätkä kerü ixtimalıbız yuğarıraq dip äytte. İkençe törle äytkändä terrorçılar yäşlärne aldıy.
Aslaxanov mätbuğat oçraşuında intixarçı xatın qız terrorçılarğa da tuqtalıp, üterelgän qardäş yaqınnın üçen alu çeçen ğäref ğädätlärendä bar dide.Aslaxanov ekstermist möselmannarnıñ Çeçnädäge täsirlären tuqtatuda Rusiä räsmiläre bik aqrın xäräkät itte .Şunlıqtan radikal islam nıq cäyelde.Rusiä Federatsiäse häm Tönyaq Kafkazda terror höcümnäre oyıştırıldı dip söyläde
(audio)
Şimbädä Rusiä xärbiläreneñ Çeçnädä urnaştırıluına 10yıl tula. Xoquq yaqlaw törkemnäre Rusiä xärbilären cäbärläw , urlaw häm törle cinayätlärgä qatnaşuda ğäyepli.
färidä xämit
Putin yärdämçese könbatış belän könçığışnıñ terrorğa qarşı köräştä xezmättäşlegenä basım yasıy
Prezident V.Putinnıñ Tönyaq Kafkaz mäsäläsendäge kiñäşçese Aslambek Aslaxanov Nyu Yorkta BMOdağı oçraşuların tämamlap bügen Waşingtonğa kilä. Aslaxanov yulçılığınıñ mäqsatı Rusiäneñ könbatış partnörları belän dialogın nığıtu häm terrorğa qarşı operatsiälärdä xezmättäşlekne yaxşırtu dip äytte jurnalistlarğa . Aslaxanov Rusiä belän könbatış mönäsäbätlärendä kilep çıqqan sonğı problemalarnı iqrar itsä dä , alarnı çişü mömkin dip belderde.