Soñı könnärdä Qazannıñ banklarında torğınlıq yıllarınıñ tormış räweşe bulğan bormalı-sormalı çiratlar xasil buldı. Bu çiratlarda olı yäştäge keşelär, pensionerlar cäfa çigä ikän. Alar sotsial' reforma- “monetizatsiä”, yäğni taşlamalarnı aqçalaştıru forması qorbannarı. Käğäz şoma- qanun yazıp, färman çığarıp quyuı ansat. Rusiä xökümäte sotsial' taşlamalarnı aqçalaştırunı qulay kürde. Xalıq beraz qaysı yaxşıraq dip bäxäsläşep aldı da pensiälärenä kim digändä 500-600 sum aqça östäläçägen belgäç tındı. Rusiä Duması avtomat-robot sımaq ansat qına qanunnarın äzerläde, alarnı raslap ta quydılar. Tik tormışta ğädättägeçä alay ansat qına barmıy şul ul. Beräwdä- “menä taşlamaların urınına tieşle aqçalar bu” dip avtomat räweştä qıştırdap torğan yözleklär kiterep tottırırğa cıyınmıy ikän şul. Ğadättägeçä artınnan çabası, taşlamalarğa dimäk östämä aqçalarğa xaqın barlığın yañadan isbatlıysı bar ikän äle. Döres Tatarstan xökümäte bu eştäge qıyınlıqlarnı ciñeläytü çaraları kürde kürüen. Pensiä waqiflarında, sotsial' yaqlaw oyışmaları äzerlek, añlatu eşläre alıp baralar, “qaynar liniä” eşli. Menä şul oyışmalarnı yörep çıqqan Zölfiä xanımnıñ kürgännäre. Menä şuşı bankta xisap açu mäs’äläsendä butalçıq küp. Tatarstanda ber million cide yöz meñ taşlamar iäse isäplänä şularnıñ 427 meñe genä federal' registrda ikän. Qalğannarı yäğni ber million 273 meñe respubliкa qaramağında ikän. “Qaynar liniä”gä Zölfiä apa “voprosı”, yäğni tieşle dokumentlarnıñ kopiälären iltep birgäç, bankкa xisap açarğa çabarğamı inde” dip çıltıratıp sorağaç-“ xisap açu “federallar” öçen kiräkmi, “respublikannar” öçen genä kiräk” dip tınıçlandırdılar. Läkin min Zölfiä apanı alay dip kenä tınıçlandıra almıym. Çönki ul fatir xucası. Häm küpçelek pensionerlar şulay. Taşlamalar zamanında fatir, kommunal' xezmät öçen azraq tüläw öçen fatir xucası itep äbi-babaylarnı yazdırıp quyğan idek bit inde. Xäzer ul taşlamalar avtomat räweştä genä barmıy ikän şul. Toraq kommunal' xucalıqqa tüläw öçen subsidiälär, yäğni aqçalaştırılğan taşlamalar barı tik banktağı xisapqa küçereläçäk. Ä fatir öçen ay sayın, şul isäptän aqçalaştıru reforması ğämälgä kerteläçäk yaqınlaşıp kilgän yaña yılnıñ ğinwar ayı öçen tülise bula. Şulay itep sotsial' yaqlaw oyışmaları, banklardağı çaqrımlı çiratlarnı çittän küzätep kenä yöri almabız axrı xörmätle watandaşlar.Küçeş yıllarında küräçägebezne, kürmiçä bulmas şul. Yunıs Ätnäle.
