Bagdad. Ğiraq xäkimnäre, "ximik Ğäli" digän quşamatı belän tanılğan general Ğäli Xäsän äl-Mäcittän häm Saddam xakimiatendä saqlanu ministrı bulıp torğan Soltan Xäşim Äxmättän soraw ala başladı. Bu Saddamnıñ üzen häm anıñ xökümätendäge 11 yuğarı wäkilne xökemgä tartu eşeneñ başı bulıp tora, alar suğış cinayätläre qıluda ğäyeplänä. "Ximik Ğäli" Saddam çorında iñ dähşätle cinayätlärne, şul isäptän 80-nçı yıllar azağında kördlärneñ Xäläbcä awılı xalqın gaz belän ağulap üterüdä şiklänelä.
