Ser tügel, üzen prezident itep saylatuğa ireşü eşen, yäğni xäzerge xakimiat qorğan kirtälärne häm xärämläşülärne beterüne Viktor Yuçenko oppozitsiädäge başqa köçlär, berençe çiratta Yuliä Timoşenko häm sotsialistlar citäkçese Oleksandr Moroz yardämendä alıp bardı. Xäzer inde urtaq köräş belän ireşelgän ciñüne dä büleşü waqıtı citte. Ukrainanıñ yaña prezidentı itep saylanğan oçraqta Yuçenko üzeneñ berektäşlärenä xökümättäge ministrlar sanınıñ çiregen alar citäklägän partiälärgä biräçägen wäğdä itkän ide. Moñardan tış, premyer-ministr urınına däğwa itüçelär arasında da Timoşenko belän Moroznı kürep bula. Gärçä alarnıñ iqtisadi reformalar ölkäsendäge qaraşları şaqtıy ayırıla, xätta tulısınça ayırıla diärgä bula. Premyer itep kemne saylaw Viktor Yuçenko öçen iñ awır problemalarnıñ berse bulaçaq. Kievtäge Mohilev akademiäsendä uqıtqan tarix professorı İgor Losev, Yuçenko üz eçenä uñ qaraşlarda torğan säyäsi törkemnärdän alıp sulçı sotsialistlarğa qädär berläştergän çuar berläşmä qordı, ä alarnıñ isä Ukraina kiläçägenä qaraşları urını-urını belän qapma-qarşı dip belderä.
Audio, İgor Losev
"Oppozitsiä nigezdä ütkänne, xäzerge wäzğiatne kire qağu tiräsendä berläşkän ide. Läkin närsäneder kire qağu tiräsendä genä berläşep bulmıy, nindider ber uñay programma da kiräk. Älegä bu programma şul qädär kiñ ki, berläşmädäge törle köçlär anda üz urının taba tösle" di Kievtäge tarix professorı İgor Losev. Anıñ süzlärenä qarağanda, oppozitsiäne Ukrainadağı rişwätçelek, qoda-qodaçalıq kebek küreneşlärne tänqitläw häm Yevropağa taba borılu berläşterä, läkin alar moña ireşü yulların törlese törleçä kürä. Premyerlıqqa däğwa itkän ike töp nämzät - Yuliä Timoşenko häm Aleksandr Moroz, misal öçen, milek mäs''äläsendä qapma-qarşı fikerlärdä tora, berençese anı satu-satıp alunı yaqlasa, ikençese qarşı çığa. Moroz şulay uq, ildä ütkärelgän xosusilaştırunı yañadan tikşerüne alğa sörä, monı isä Timoşenko ğına tügel, Yuçenko üze dä kire qağa. İldäge säyäsi qorılış ölkäsendä qarşılıqlar citärlek, Moroz Ukrainanıñ parlament respublikası buluın teli, Yuçenko häm Timoşenko xakimiat dilbegäsen xäzerge tösle prezident qullarında qaldıru yağında. Professor Losev fikerençä, premyer-ministr itep kemne bilgeläw Ukrainanıñ nindi kiläçäkne saylawın kürsätäçäk.
Audio, İgor Losev
"Moroz belän Timoşenko arasınnan saylaw küp närsäne kürsätäçäk. Ägär dä Yuçenko Moroznı saylıy ikän, bu ildä sotsial'' wä iqtisadi reformalar ütkärüdä zur kirtä bulaçaq" di professor Losev.
Kärim Kamal
Audio, İgor Losev
"Oppozitsiä nigezdä ütkänne, xäzerge wäzğiatne kire qağu tiräsendä berläşkän ide. Läkin närsäneder kire qağu tiräsendä genä berläşep bulmıy, nindider ber uñay programma da kiräk. Älegä bu programma şul qädär kiñ ki, berläşmädäge törle köçlär anda üz urının taba tösle" di Kievtäge tarix professorı İgor Losev. Anıñ süzlärenä qarağanda, oppozitsiäne Ukrainadağı rişwätçelek, qoda-qodaçalıq kebek küreneşlärne tänqitläw häm Yevropağa taba borılu berläşterä, läkin alar moña ireşü yulların törlese törleçä kürä. Premyerlıqqa däğwa itkän ike töp nämzät - Yuliä Timoşenko häm Aleksandr Moroz, misal öçen, milek mäs''äläsendä qapma-qarşı fikerlärdä tora, berençese anı satu-satıp alunı yaqlasa, ikençese qarşı çığa. Moroz şulay uq, ildä ütkärelgän xosusilaştırunı yañadan tikşerüne alğa sörä, monı isä Timoşenko ğına tügel, Yuçenko üze dä kire qağa. İldäge säyäsi qorılış ölkäsendä qarşılıqlar citärlek, Moroz Ukrainanıñ parlament respublikası buluın teli, Yuçenko häm Timoşenko xakimiat dilbegäsen xäzerge tösle prezident qullarında qaldıru yağında. Professor Losev fikerençä, premyer-ministr itep kemne bilgeläw Ukrainanıñ nindi kiläçäkne saylawın kürsätäçäk.
Audio, İgor Losev
"Moroz belän Timoşenko arasınnan saylaw küp närsäne kürsätäçäk. Ägär dä Yuçenko Moroznı saylıy ikän, bu ildä sotsial'' wä iqtisadi reformalar ütkärüdä zur kirtä bulaçaq" di professor Losev.
Kärim Kamal