Tatarstanlılar üzläreneñ Yaña yıl yalların öylärendä genä tügel, cılı yaqlarda, diñgez yarlarında da ütkärälär. İnde xäbär itkänebezçä, zur faciğägä kitergän zilzilä bulğan Thailandta da bezdän kitüçelär bulğan. Alar üzläreneñ yalların äle dä däwam itä, dip xäbär itä Qazanıñ turistik agentlıqları wäkilläre. Pxuket utrawında ğına da bu könne 5 tatarstanlı yäl itä ikän. Ä menä Novosti mäğlümät agentlığı zilzilä waqıtında Thailandta bulırğa mömkin häm älegä berkem belän dä elemtägä kermägän 16 rusiäleneñ isemlegen tarattı. Älege isemlektä Möxämmädiev Renat Safa ulı, Möxämädieva Lena Ämir qızı häm Möxämmädieva Zöläyxa Renat qızı bar. Rusiäneñ Çit il eçläre ministrlığınıñ operativ ştabı äytelgän şäxeslärneñ tanışların, alar turında mäğlümät tabarğa yärdäm itüne sorıy. Azatlıq radiosınıñ Qazan byurosı da älege isemlektäge millättäşlär turında nindi dä bulsa xäbär kilüen beleşte. Xäzergä bu mäsälägä açıqlıq kertü mömkin tügel. Qazandağı Möxämmädievlärneñ ğailäsenä, yaqınnarına Thailandtan xäbär kilü yäki kilmäw tögäl genä raslanmadı. Şulay uq bez, Mäskäwgä şaltıratıp, Xalıqara yazuçılar berlege xezmätkärläre belän dä elemtägä kerdek.
Gölnaz İlgizär, Qazan
Mäskäwdän Näzifä Kärimova däwam itä:
Rusiäneñ tışqı eşlär ministrlığı Tailandta tabiği qaza waqıtında yalda bulğan häm bügenge köngä qädär xäbärläre bulmağan Rusiä watandaşlarınıñ isemlegen iğlan itte. Ul isemlektä tatar familiäläre bulğan keşelär dä bar. Şular arasında bez tatarlarğa bilgele bulğan yazuçı Muxamadiev Renat Safa ulı häm anıñ tormış iptäşe Lena, qızları Zöläyxanıñ da isemnären uqıdıq. Tışqı eşlär ministrlığı belderüenä qarağanda isemlektägelär qaza bulğan cirdä bulıp ta, bügenge köngä qädär üzläre xaqında bernindi dä xäbär birmäwçelär bulıp sanala. Bu isemlek iğlan itelgännän soñ 13 keşe tışqı eşlär ministrlığına şaltıratıp, üzläreneñ isänleklären beldergännär. Läkin älegä qädär Renat Möxämädiev ğailäse turında mäglümät yuq. Renat Möxämädiev tatar uquçısına bilgele şäxes. Küp yıllar ul Tatarstan yazuçılar berlege citäkçese bulıp tordı. Anıñ Mirsäyet Soltangaliev turındağı “Sirat küpere” digän tarixi romanı häm “Kenäri çitlek qoşı” isemle äsärläre bar. Renat Möxämädiev 1993 yılda quıp taratılğan Däwlät duması deputatı da ide. Anıñ urus telendä dönya kürgän “Utlı taba östendä” dip atalğan kitabında şul waqıttağı waqiğalar tasvirlangan. Soñğı yıllarda Renat Möxämädiev Mäskäwdä yäşi häm xalıqara yazuçılar berlegendä. İkençe törle ul berlekne Sergey Mixalkov berlege dip tä atıylar. Berlekneñ räis urınbasarı bulıp eşli. Ul ictimaği häm säyäsi tormışta aktiv qatnaşuçı keşe. Tatarstanda prezident saylawları waqıtında Rifqat Altıynbaev nämzäten xuplağan ide. Şunıñ öçen dä Tatarstanda anı bik önäp betermilär dip tä äytergä bula. Xäbäre bulmawçılar arasında Renat Möxämädiewnıñ da isemen uqığannan soñ, berär mäglümät bulmasmı dip min anıñ belän bergä Xalıqara yazuçılar berlegendä eşläwçe yazuçı, fännär doktorı Şäwkät Niäziğa möräcäğät ittem. Şäwkät äfände, min anıñ yalğa barasın belä idem, alar uzğan yılda da ul taraflarda yal ittelär. Älegä Renat Möxämädiev xaqında bernindi mäğlümätebez dä yuq, bez tışqı eşlär ministrlığına da şaltıratıp qaradıq, Möxämädiev ğailäseneñ yazmışı xaqında berni dä belmilär, ä inde Mäskäw telefonı cawap birmi, dip belderde.
Näzifä Kärimova, Mäskäw
Gölnaz İlgizär, Qazan
Mäskäwdän Näzifä Kärimova däwam itä:
Rusiäneñ tışqı eşlär ministrlığı Tailandta tabiği qaza waqıtında yalda bulğan häm bügenge köngä qädär xäbärläre bulmağan Rusiä watandaşlarınıñ isemlegen iğlan itte. Ul isemlektä tatar familiäläre bulğan keşelär dä bar. Şular arasında bez tatarlarğa bilgele bulğan yazuçı Muxamadiev Renat Safa ulı häm anıñ tormış iptäşe Lena, qızları Zöläyxanıñ da isemnären uqıdıq. Tışqı eşlär ministrlığı belderüenä qarağanda isemlektägelär qaza bulğan cirdä bulıp ta, bügenge köngä qädär üzläre xaqında bernindi dä xäbär birmäwçelär bulıp sanala. Bu isemlek iğlan itelgännän soñ 13 keşe tışqı eşlär ministrlığına şaltıratıp, üzläreneñ isänleklären beldergännär. Läkin älegä qädär Renat Möxämädiev ğailäse turında mäglümät yuq. Renat Möxämädiev tatar uquçısına bilgele şäxes. Küp yıllar ul Tatarstan yazuçılar berlege citäkçese bulıp tordı. Anıñ Mirsäyet Soltangaliev turındağı “Sirat küpere” digän tarixi romanı häm “Kenäri çitlek qoşı” isemle äsärläre bar. Renat Möxämädiev 1993 yılda quıp taratılğan Däwlät duması deputatı da ide. Anıñ urus telendä dönya kürgän “Utlı taba östendä” dip atalğan kitabında şul waqıttağı waqiğalar tasvirlangan. Soñğı yıllarda Renat Möxämädiev Mäskäwdä yäşi häm xalıqara yazuçılar berlegendä. İkençe törle ul berlekne Sergey Mixalkov berlege dip tä atıylar. Berlekneñ räis urınbasarı bulıp eşli. Ul ictimaği häm säyäsi tormışta aktiv qatnaşuçı keşe. Tatarstanda prezident saylawları waqıtında Rifqat Altıynbaev nämzäten xuplağan ide. Şunıñ öçen dä Tatarstanda anı bik önäp betermilär dip tä äytergä bula. Xäbäre bulmawçılar arasında Renat Möxämädiewnıñ da isemen uqığannan soñ, berär mäglümät bulmasmı dip min anıñ belän bergä Xalıqara yazuçılar berlegendä eşläwçe yazuçı, fännär doktorı Şäwkät Niäziğa möräcäğät ittem. Şäwkät äfände, min anıñ yalğa barasın belä idem, alar uzğan yılda da ul taraflarda yal ittelär. Älegä Renat Möxämädiev xaqında bernindi mäğlümätebez dä yuq, bez tışqı eşlär ministrlığına da şaltıratıp qaradıq, Möxämädiev ğailäseneñ yazmışı xaqında berni dä belmilär, ä inde Mäskäw telefonı cawap birmi, dip belderde.
Näzifä Kärimova, Mäskäw
