Çärşämbedä Rusiä tışqı eşlär ministrlığınıñ räsmi internet säxifäsendä Thailandtağı tabiğät qazası arqasında, xäbärsez yuğalğan Rusiälelärneñ sanı başta 29 bulıp, annarı 16 qalğan ide. Şular arasında Tatarstan yazuçılar berlegeneñ elekkege räise Renat Möxämmädievnıñ ğailäse dä buluı, añardan xäbär-xätär bulmawı, turında süz buldı. Pänceşämbedä, yazuçı ğailäseneñ isän-imin buluı, inde Rusiägä qaytırğa yulğa çıqqanlığı açıqlandı. Azatlıq bu mäsälägä tögälräk açıqlıq kertü öçen, Renat äfändeneñ tuğannarına da möräcäğät ittelär, läkin alar añlatma birüdän baş tarttılar. Yazuçınıñ yaqınnarı Tışqı eşlär ministrlığına şaltıratqannar. Ministrlıqnıñ säxifäsendä, xäbärsez yuğaluçılar isemlegendä xäzer Renat Möxämmädiev ğailäse kürenmi. Şulay da, bu xäbär äzerlängändä, 2 keşedän älegä qädär bernindi dä mäğlümat bulmawı xäbär itelä.
Tatarstanda bulğan başqa waqiğalar qısqaça
Prawaslav dinen totuçılar, pänceşämbedän comğa kiçenä Raştua bäyrämen bilgeläp ütälär. Xristian dinendägelär öçen iñ zur bäyrämnärneñ berse bulğan Raştua, Ğaysa päyğämbärneñ tuu uñayınnan bilgeläp ütelä. Nigezdä rus provaslau çirkäwenä buysınğan prawaslawlılar ğinwar ayında bilgeläp ütsälär, xristian dineneñ tağın ber tarmağı, kotoliklar, Raştuanı dekaber azağında bäyräm itälär. Tatarstanda 130 yaqın çirkäwdä Raştua bäyrämen keläwlär belän ütkärü qaralğan. Çirkäwdäge keläwlärdä 25 meñ keşe qatnaşır dip kötelä. Şularnıñ 7 meñe qazanda. Qazan dimäktän, başqalanıñ Tixvin çirkäwendä dä doğa qılular bula. Bu çirkäw Qazanda berdän-ber keräşen çirkäwe. Anda doğa qılu tatarça bara. Pänceşämbe kiçendä keräşen tatarlarınıñ Tixvin çirkäwendä keläw tönge unikedä başlana, irtänge 6 ğa qädär däwam itäçäk.
* * *
Qazannıñ Qaban artı mäçetenä Ästerxannan ber törkem balalar, äti äniläre belän qunaq bulıp kildelär. Aptırarğa kiräkmi, Qazannıñ Qaban artı mäçete yıl sayın, qışqı kanikullar çorında, çit töbäklärdän berär törkem tatar balaların qunaqqa çaqıra. Mäçetneñ imamı İsxaq xäzrät Lotfullin süzlärenä qarağanda, ütkän yıl alar Ulyan häm Sarıtaw ölkälärennän tatar balaların qabul itkän bulğannar. Alarnı Qazan Kirmäne, Tatar bistäläre belän tanıştıralar, istälekle urınnarda, Qamal teatrında bulu qaralğan. Qunaqlar, mäxällä äğzalarında yäşilär.
* * *
Qazannıñ “İman” näşriätendä Gıyläcetdin Äs-Särdäwi Qazanlınıñ “Cäditçelekkä qarşı çuyın qılıç” dip atalğan kitabı basılıp çıqtı. 20 ğasır başında uq yazılğan bu kitap, rus telendä. Soñğı yıllarda Cäditçelek belän qızıqsınu, anı millätneñ räsmi ideologiäse däräcäsenä kütärü zur alımnar belän eşlände. “İman” yäşlär üzäge näşriäte qädimçelek, yäğni ata-babalarıbızdan qalğan miras, yäşäyeş häm dönyağa qaraş bügenge köndä dä kiräk, ul zaman taläplärenä cawap birä digän qaraşta toralar. Cäditçelek isä, Awrupa islamı digän töşençä astında İslamğa qayber üzgäreşlär kertüne maqsat itep quya. Bu tarmaqnıñ töp öndäre Rafael Xäkimov. İman yäşläre üzäge millät ideologiäsendä qädimçelek tä üzeneñ layıqlı urının alırğa tieş diep sanıy. Älege kitap, belgeçlär süzenä qarağanda, şaqtıy bäxäslär uyatır dip kötelä. Çönki, qädimçelärneñ kitapları älegä qädär kiñ cämäğätçelekkä bilgele tügel ide.
Räfis Cämdixan
Tatarstanda bulğan başqa waqiğalar qısqaça
Prawaslav dinen totuçılar, pänceşämbedän comğa kiçenä Raştua bäyrämen bilgeläp ütälär. Xristian dinendägelär öçen iñ zur bäyrämnärneñ berse bulğan Raştua, Ğaysa päyğämbärneñ tuu uñayınnan bilgeläp ütelä. Nigezdä rus provaslau çirkäwenä buysınğan prawaslawlılar ğinwar ayında bilgeläp ütsälär, xristian dineneñ tağın ber tarmağı, kotoliklar, Raştuanı dekaber azağında bäyräm itälär. Tatarstanda 130 yaqın çirkäwdä Raştua bäyrämen keläwlär belän ütkärü qaralğan. Çirkäwdäge keläwlärdä 25 meñ keşe qatnaşır dip kötelä. Şularnıñ 7 meñe qazanda. Qazan dimäktän, başqalanıñ Tixvin çirkäwendä dä doğa qılular bula. Bu çirkäw Qazanda berdän-ber keräşen çirkäwe. Anda doğa qılu tatarça bara. Pänceşämbe kiçendä keräşen tatarlarınıñ Tixvin çirkäwendä keläw tönge unikedä başlana, irtänge 6 ğa qädär däwam itäçäk.
* * *
Qazannıñ Qaban artı mäçetenä Ästerxannan ber törkem balalar, äti äniläre belän qunaq bulıp kildelär. Aptırarğa kiräkmi, Qazannıñ Qaban artı mäçete yıl sayın, qışqı kanikullar çorında, çit töbäklärdän berär törkem tatar balaların qunaqqa çaqıra. Mäçetneñ imamı İsxaq xäzrät Lotfullin süzlärenä qarağanda, ütkän yıl alar Ulyan häm Sarıtaw ölkälärennän tatar balaların qabul itkän bulğannar. Alarnı Qazan Kirmäne, Tatar bistäläre belän tanıştıralar, istälekle urınnarda, Qamal teatrında bulu qaralğan. Qunaqlar, mäxällä äğzalarında yäşilär.
* * *
Qazannıñ “İman” näşriätendä Gıyläcetdin Äs-Särdäwi Qazanlınıñ “Cäditçelekkä qarşı çuyın qılıç” dip atalğan kitabı basılıp çıqtı. 20 ğasır başında uq yazılğan bu kitap, rus telendä. Soñğı yıllarda Cäditçelek belän qızıqsınu, anı millätneñ räsmi ideologiäse däräcäsenä kütärü zur alımnar belän eşlände. “İman” yäşlär üzäge näşriäte qädimçelek, yäğni ata-babalarıbızdan qalğan miras, yäşäyeş häm dönyağa qaraş bügenge köndä dä kiräk, ul zaman taläplärenä cawap birä digän qaraşta toralar. Cäditçelek isä, Awrupa islamı digän töşençä astında İslamğa qayber üzgäreşlär kertüne maqsat itep quya. Bu tarmaqnıñ töp öndäre Rafael Xäkimov. İman yäşläre üzäge millät ideologiäsendä qädimçelek tä üzeneñ layıqlı urının alırğa tieş diep sanıy. Älege kitap, belgeçlär süzenä qarağanda, şaqtıy bäxäslär uyatır dip kötelä. Çönki, qädimçelärneñ kitapları älegä qädär kiñ cämäğätçelekkä bilgele tügel ide.
Räfis Cämdixan
