Accessibility links

Кайнар хәбәр

Yanukoviç mäxkamälärgä möräcäğätlären däwam itäçäk


Ukraindağı prezident saylawlarınıñ qabatlap ütkärelgän ikençe turında oppozitsiä citäkçese Viktor Yuşçenkoğa ottırğan elekke premyer Viktor Yanukoviç saylawlarqa qanu bozu turında mäxkamägä möräcäğätlären däwam itäçägen belderde. Kievta matbuğat oçraşuında Yanukoviç yuğarı mäxkamägä möräcäğät itü öçen nıqlı nigeze buluı turında äytte. Bu mäxkamä moñarçı anıñ berniçä möräcäğäten inde kire qaqtı. Yanukoviç, ägär dä Ukrainanıñ yuğarı mäxkamäse anıñ barlıq möräcäğätlären kire qaqsa, Yewropa Keşe xoquqları mäxkamäsenä möräcäğät itäçägen belderde.

AUDİO: Ägär Ukraina Yuğarı mäxkamäse bezneñ taläplärne qänäğätländermäsä, bezneñ ğämäldäge qanun nigezendä eş itü häm Yewropa Mäxkamäsenä möräcäğät itü xoquqıbız bar. Häm bez qabat saylawlar dip atalğan bu saylaw näticälären berqayçan da qabul itmiäçäkbez.

Yäkşämbe kiçendä Ukraina Üzäk Saylaw komissiäse 26-nçı dikäberdä ütkärelgän bu saylawlarnıñ räsmi tögäl näticälären iğlan itte. Yuşçenko 52 çaması, Yanukoviç 44 protsent tawış cıyğan. Bu xisap Yuğarı Mäxkamä tarafınnan raslanğannan häm 2 räsmi xökümät gazetında basılıp çıqqannan soñ Yuşçenko ant itü tantanası ütkärä alaçaq.
XS
SM
MD
LG