Latviä prezidentı Vaira Vike-Freiberga, Sovetlarnıñ 50 yıl buyına baltiq däwlätlären okkupasiädä totqanına ğafu ütenü bulmasa da, Nazi Germaniäne ciñüneñ 60 yıllığın bäyräm itü çaralarına Mäskäwgä baraçağın xäbär itte. Rusiä 9 may ütäçäk tantanalarğa dönya citäkçelären, şul sanda Latviä, Estoniä häm Litva prezidentların da çaqırdı. Vike-Freiberga, Mäskäwgä "duslıq qulı" suzaçağın äytte, Rusiäne dä Latviä, Litva häm Estoniägä tatulaşu işaräse yasarğa çaqırdı.
Litva häm Estoniä prezidentları Mäskäwgä baru-barmawları turında äle xäbär itmäde. 1944nçe yıldan birle Sovetlar Berlege astında yäşägän Baltiq buyındağı bu 3 däwlät, Berlek taraluı belän 1991nçe yılda bäysezlek aldı.
