Mäskäwneñ tatar başqort zıyalılar klubı iskeçä yaña yıl bäyrämenä bağışlap oçraşu ütkärde. Yaña yıl bäyrämendä oçraşu inde ğädätkä kergän, bu oçraşu klubta 11нче yaña yılnı qarşılaw buldı. Uzğan yıl Klub üzeneñ 10 yıllığın bilgeläp ütkän ide. 11 yıl eçendä klubta üz traditsiäläre barlıqqa kilde. Bıyıl da başqa yıllardağı kebek klub äğzälären xätfä çapan kigän kömeş bilbaw buğan qış babay qotladı. Annan soñ üzeneñ qotlawları belän Tatarstannıñ wäkälätle wäkile Nazif Mirixanov çığış yasadı. Ul uzğan yılda aktiv eşçänlekläre öçen Tatarstannıñ säwdä yortı citäkçese Äxmät Nurievqa häm “Supr” şirkäte general'' direktorı Azat Valeyevqa wäkälätle wäkillekneñ räxmät xatların tapşırdı. Kiçädä qotlawlar küp buldı. Klub äğzäläre professor, Rusiäneñ atqazanğan yuristı, fännär doktorı Xäsän Möbäräkşa ulı Äxmätşinnı 85 yäşlek yubilee belän qotladı. Şuşı könnärdä genä Rusiä prezidentı Xäsän ağa Äxmetşinğa Rusiäneñ atqazanğan fän eşleklese digän isem dä tapşırğan ide. Bu qotlawlardan küñele bulğan Xäsän abıy da cawapsız qalmadı, olı yäştä buluına qaramastan moñlı itep, “Tuğan awılım” digän cırnı cırlap, alqışlarğa layıq buldı.Xäsän abıy Äxmätşin tumışı belän Tatarstannıñ Quqmara rayonınnan. Anıñ qızı Asiä häm ulı Nail dä Zıyalılar Klubında yış bulalar. Ä inde Başqortostannnıñ wäkälätle wäkile urınbasarı Yosıypov Rişat klub ägzälären başqort telendä qotladı. Ä inde Böten dönya tatar kongressı isemennän qotlawlarnı klub äğzäläre kongressnıñ matbuğat bülege citäkçese Gölnaz Şäyxidän işette. Bu yaña yıl kiçäsenä Tatarstannıñ xalıq artistı Ferdinand Säläxov häm Tatarstannıñ atqazanğan cırçısı Rezedä Şäräfieva da çıqırılğan ide.alarnıñ çığığların tamaşaçı bik yaratıp qarşı aldı. Ä ide kompozitor Rim Xäsänov belän oçraşu klub ägzäläre öçen kötelmägän şatlıq ide. “Ufa yükäläre”, “Qışqı romans”, “Yuqqa tügel, yuqqa tügelder” häm bik küp populyar cırlar avtorı Rim Xasanov üzeneñ yaña cırları belän çığış yasadı häm küplärgä tanış bulğan cırların da başqardı. Kiçädä küp törle konkurslar ütte şularnıñ berse tatar cırı konkursı buldı. Bu konkursnı Gnesinnar isemendäge muzıka akademiäseneñ 3 kurs studentı, Alabuğa yegete İldar Salaxov alıp bardı. Cırnı köyennän tanığan häm başqara alğan klub äğzäläre büläklärgä dä layıq buldılar. Üz çiratında klub äğzäläre İldarnı şuşı arada Çiläbedäge bayanistlar konkursında berençe urınnı aluı belän qotladılar. Şunsın da äytergä kiräk, küptän tügel genä Tailandta zilzilä waqıtında yuğalğannar isemlegendä bulğan yazuçı Renat Möxämmädiev ta bu yaña yıl kiçäsendä qatnaşqan ide. Ul mikrofon aldına çıqsa da, yal itü macaraları xaqında söyläp tormadı, andıy xällärne xoday kürsätmäsen dip kenä äytte dä klub äğzälären yaña yıl belän qotladı. Klub kiçäseneñ tağı ber näticäle qararın da citkeräsem kilä. Bu kiçädän soñ Klubnıñ şurası, Zıyalılar klubınıñ stipendiäsen buldırdı. Ul äle barı tik ike genä stipendiä. Häm ul aqçalarnı ğinwar ayınnan başlap, ike tatar balası alaçaq. Alar ikese dä Qazannan häm ikese dä Mäskäw konservatoriäse qarşındağı muzıka kolledjında uqilar. Säriä Raxmani fortepyanoda uynıy, ä inde Arslan Säyfi skripkada. Alarnı inde Mäskäwdä yaxşı belälär. Alar ikese dä 14 martta Mäskäwdä ütäçäk, Qazannıñ meñ yıllığına bağışlanğan konsertta qatnaşırğa tieş.
Näzifä Kärimova, Mäskäw
Näzifä Kärimova, Mäskäw
