Ukraina prezidentı Viktor Yuşçenko üzeneñ säyäsi berektäşe Yulia Timoşenkonı premyer ministr itep täqdim itte.
Parlamentta raslanğanğa qädär Timoşenko premyer minist wazıyfaların başqaruçı bulaçaq. Viktor Yanukoviç wazıyfasınnan kitkännän soñ bu urın buş tordı.
Prezident idaräsendä buldırılğan yaña wazıyfağa däwlät sekretare wazıyfasına Oleksandr Zinçenko bilgelände.
Saqlanu häm Däwlät iminlege sekretare itep Petro Poroşenko bilgelände.
Kiçä prezident antı birgän Yuşçenko bu qararlarnı bügen prezident bularaq Mäskäwgä berençe säfären başlar aldınnan iğlan itte.
Yuşçenkonıñ Mäskäwdä Rusiä prezidentı Vladimir Putin belän oçraşuı turında tulıraq mäğlümät soñğı xäbärlär çığarılışınnan soñ bulır.
