Xökümät süzçese Evangelos Antonaros Gretsiä NATO citäkçelegendäge Xalıqara İminlek Yardäme Köçlärenä meditsina bülege cibärä. Atonaros alarnıñ anda 18 ay bulaçağın äytsä dä, täfsilleräk mäğlümät birmäde.
Bıltır Gretsiä NATOnıñ Äfğänstanğa östämä köçlär häm höcüm boralaqları cibärüne sorağan möräcäğäten kire qaqqan ide. Monı ul, xärbilär cäyge olimpiä uyınnarında iminlek saqlaw öçen Gretsiädä kiräk dip añlattı.
Qabulda Gretsiäneñ 122 xärbie bar. Alarnıñ küpçelege injenerlar häm meditsina xezmätkärläre.
Xökümät Ğiraqtağı AQŞ citäkçelegendäge köçlärgä turıdan-turı xärbi yardäm kürsätü mömkinlegen kire qaqtı.
