Accessibility links

Кайнар хәбәр

Ğalimnär Fännär Akademiäsen üzgärtep qoru planın xuplamıy


Tügäräk östäl söyläşüenä, töp fänni institutlarnıñ citäkçeläre qatnaştı. Tarix, mäğärif, ximiä häm astronomiä, meditsina häm başqa fänni institutlar citäkçeläre üz tarmaqlarında bulğan qıyınlıqlar häm ireşelgän uñışlar xaqında söyläde. Ximiä tarmağında eçläwçe ğalimnärneñ neft’e –ximiä häm farmakologiägä örkäläsenä xezmät itüe turında äytelde. Fänni institut başlığı Aleksandr Konovalov äytkänçä, Rusiädä farm bazarında il eçendä çığarılğan darular barı 8% täşkil itü xaqında xäbär itte. Häm Qazanda çığarıla torğan 3 törle daru da, şular arasında. Qalğan darularnı buldıru öçen çit il ğalimnäre baş watqan. Yäş ğalimnäreñ çit ilgä kitüe turında da äytte Aleksandr Konovalov. Qazan däwlät universitetında tarix fäne üseşe belän şöğellänä torğan Mirqasim Usmanov isä başqa törle fiker äytte. Anıñ süzlärençä, gumanitar ölkädä eşläwçe yäş ğalimnär çit il fänni mäktäplärenä tügel, ä kübräk biznes ölkäsenä küçep bara. Alayda fänni mäktäpleneñ intellektual xäzinäse sayıqmıy, dide ul. Alay ğına da tügel Mirqasıym Usmanov äytkänçä, Mäskäwdä çıqqan fänni xezmätlärdä xäzer Qazan ğalimnären dä telgä alar, alarnıñ fikerlären dälil itep kiterälär. Mirqasim Usmanov şulay uq, tarixçılar tarafınnan «Bolğarlar tarixı» kitabın äzerläp betergän häm 13-14 ğasır tarixına bağışlanğan yaña fänni eşne täqdim itärgä cıyınuın xäbär itte. Qıyınlıqlar buluına qaramastan, äle yaxşı fänni mäktäplärne saqlap qala aldıq, dide Mirqasim Usmanov üz çığışında. Anıñ fikeren başqa ğalimnär dä xupladı. Fännär Akademiäsen üzgärtep qoru häm fundamental fänni institutlarnı qısqartu turındağı täqdimnärne bez xuplamıybız, dielde älege oçraşuda. Belgänegezçä, Rusiä häm Tatarstan xökümäte tarafınnan fänni kübräk qullanu tarmağına häm aqça eşläwgä yünältü kiräklege äytelep kilde. 8 fevral könne Fännär akademiäsendä bulğan Tügäräk östäl barışında şuşı temağa fiker alışu buldı. Astronomiä fänni institutı başlığı Şäfiğullin Nail äfände, bez sovet fänni mäktäpläre keşeläre, fänni menegment, satu, biznes eşe belän şöğellänä almıybız, dip belderde häm fänni institutlarnıñ xälen üzgäreşsez qaldırırğa çaqırdı.

Bikä Timerova.

XS
SM
MD
LG