Accessibility links

Кайнар хәбәр

Polkovnik Raşat Safin: Watan miña xıyänät itte


Çärşämbe Rusiäneñ böten mäğlümat kanalları Watannı saqlawçılar köne uñayınnan, üterep lä maqtağan tapşırular, xäbärlär citkerälär. Yäğni Armiä şäp, Watannı saqlarğa kiräk, bu bezneñ burıç. Süz dä yuq, naçar süzlär tügel. Uz ata-anañ yäşägän ilne, Watannı saqlaw- här şäxesneñ burıçı. Läkin başqa qaraş ta bar. Tatar milli xäräkäte ideologlarınıñ berse, otstavkadağı xärbi, milli fälsäfä buyınça kitaplar avtorı, polkovnik Raşat Safin söyli:

Bügenge bäyrämgä mönäsäbät bilgelägändä min ofitser häm millätçe bularaq fikerlim. Bügenge bäyräm Watannı saqlawğa bäylängän. Närsä soñ ul Watannı saqlaw?! Bu sorawğa cawap tabu öçen Watan häm saqlaw süzläreneñ mäğnäsenä töşenergä kiräk. Watan bit ul ayırım şäxeslärneñ iminlegen saqlıy torğan cämğiät yäğni il, däwlät. Saqlaw isä, grajdannarnıñ il aldındağı burıçı. Ägär Watan üz wazifasın ütäsä, grajdannar anı saqlarğa tieş. İkençe törle äytsäk, watan mine, min anı saqlıym. Xäzer inde tormıştağı xällärgä küz taşlıyq. Watanım minem millätem iminlegen saqlıymı? Minem milli ixtiaclarımnı qänäğätländeräme? Xalqımnıñ däwlätçelegen beterergä tırışalar. Milli mädäniät, milli mäğärif tieşençä finanslanmıy. Bu närsä digän süz? Bu – Watan üz wazifasın ütämi digän süz. Dimäk, tatar da Watannı saqlaw burıçınnan azat. Bügenge bäyrämgä millätçe mönäsäbäte menä şundıy.

İnde Watan saqçısı mönäsäbätenä kilik. Min 33 yılğa yaqın, bu wazifanı ütägän keşe. Watan qaya cibärsä şunda bardım, ni quşsa, şunı eşlädem. Ul da min ülgänçe üz wazifasın ütär, minem iminlekne saqlar dip ışandım. Ul miña xıyänät itte. Şunnan añlaşıla torğandır inde, Watanğa qarata ofitser mönäsäbäte dä. Ämma min bit äle tatar ofitserı ğına tügel, dala keşese dä. Monnan şundıy fikergä kiläm, dalanıñ iminlegen saqlarğa kiräk. Dimäk, Watanğa üpkäläp utırmasqa, ä anı üz wazifasın üti torğan itep üzgärtep qorırğa tieş bulabız

Räfis Cämdixan

XS
SM
MD
LG