Qırğızstannıñ könyağındağı Jalalabad şähärendä cirle xakimiät binasına basıp kerüçelär bügen dä binada qaldı. Alar yäkşämbe parlament saylawlarınıñ näticälären ğamäldän çığarunı häm prezident Askar Akayevnıñ urınınnan kitüen taläp itä. 50gä yaqın keşe bu binada tön uzdırdı, 150dän artığı bina yanında uramda qaldı. Bina qarşına bügen 2 meñgä yaqın keşe cıyıldı.
Alar Akayevnı wazifasınnan çigenüen taläp itte.
Tärtip saqlawçılar qarşılıq kürsätmägän, dip xäbär itelä.
Milli İminlek Xezmäte citäkçese urınbasarı Boris Poluektov, Reuters mäğlümat agentlığına uram cıyınında qatnaşuçılar "böten xalıqnı cıyır öçen, alarğa qarşı köç qullanıla başlasın dip kötä," häm älege cıyınnar, anıñ süzlärençä "aqçağa" oyıştırıla.
