«Tormış» firqäse citäkçese urınbasarı häm oppozitsion säyäsätçe Rifqät Altınbayıv «Azatlıq» radiosı sorawlarına cawap birde.
B.T. Mintimer Şäymievnıñ yañadan Prezident bulıp saylanırğa teläwen niçek bäyälisez?
R.A. Anıñ andıy xoquqı bar ide, Rusiä Prezidentınıñ mömkinlege bar ide, berse ğariza yazğan, ikençe anı qaldırırğa rizalaşqan, barı şul ğına.
B.T.Sez töbäk citäkçelären Rusiä Prezidentı tarafınnan täqdim itüne xuplıysızmı?
R.A.Min xuplıym, saylawlar ğädel ütmäde. Bu yuldan barsaq saylawçılarnıñ xakimiätlärgä bötenläy ışanıçın beterer idek. Bu çir dawçalanğaç, yañadan turı saylawlarğa qaytırğa kiräk.
B.T.Sezneñ firqa munitispal saylawlarda qatnaşırğa cıyınamı?
R.A. Uylıybız ale, qanunnarın qabul itep betersennär, annan uylarbız.
B.T. Ukrainadağı xällär, xalıqnıñ uramğa çığuı, oppozitsiäneñ ciñüe, sezne dä ruxlandıramı?
R.A. Xalıqnıñ uramğa çığuı soqlandıra. Qalğanın belmim, inqilab yasarğa dimägän.
B.T. Sezneñ firqä nindi maqsatlar quya? Närsägä ireşergä telisez?
R.A. Mönbär kiräk, här firqä şuña ireşergä teli, Däwlät Şurasındamı, awıl şuralarındamı..
B.T.Sez xäzer Mäskäwdäme?
R.A. Äye, Min Federatsiä Şurası räise Sergey Mironovnıñ kiñäşçese bulıp eşlim häm «Tormış firqä»sendä citäkçe urınbasarı bulıp toram. Tuğan ilemne başqa närsägä alıştırmıym, kiläçäktä niçek bulır – tormış kürsäter.
Bikä Timerova.
