Accessibility links

Кайнар хәбәр

“Milli Şura”da millät turında söyläşü


19 martta , yäğni şimbä könne tatar cämäğät oyışmaları bergälege “Milli Şura” Böten tatar ictimaği üzäge utırışlar zalında “ “Millätne häm Tatarstan möstäqillegen niçek saqlap qalırğa ?” digän temağa disput- bäxäs uzdırdı. Cıyılışta ğalimnär , kürenekle säyäsätçelär, mäğlümat çaraları wäkilläre, “Milli Şura”ğa kergän tatar cämäğät oyışmaları BTİÜ aktivistları, citäkçeläre qatnaştı. Bu çara “BTİÜneñ VIII Qorıltayın-syezdın uzdıruğa äzerlek yözennän, töp fikerlärne tuplap, alarnı ğomumiläşterep, syezdda qaralaçaq könüzäk mäs’älälärne bilgeläw öçen oyıştırıldı ”,- dide cıyılışnı alıp baruçı Räşit Yağfarov. Cıyılışta berençe bulıp Mars Şämsetdinov çığış yasadı. Şunı da äytep ütäse kilä, Böten Tatar ictimaği üzägeneñ veteran liderlarınıñ berse bulğan Mars Şämsetdinov, uzğan yılda sentäber ayında BTİÜneñ Plenumı uzğanda, Üzäk ikegä bülengän çağında, ul ikençe yaqta qatnaşqan ide. Ul bu disputta qatnaşıp, üzeneñ çığışında Rossiä belän Tatarstan arasında bulğan bügenge kön problemaların yaqtırttı. Häm anıñ töp fikere bolayraq yañğıradı.

“Bügenge köndä BTİÜneñ töp maqsatı cirle üzidarälär turındağı zakonnıñ mäğnäsen , här Tatarstan grajdanına, här tatar keşesenä citkerü, añlatu eşlären alıp baru. Häm şähär, rayon, awıl sovetlarına saylawlarda qatnaşıp, saylanıp, häm şunnan faydalanıp, cirle üzidarä milken xosusilaştıruda qatnaşırğa, vlast'kä kerergä-,”dide ul.

Kürenekle säyäsätçe Fändäs Safiullin üz çığışında “tatar xalqın millät bularaq, häm Tatarstannıñ möstäqil’'legen saqlap qalu öçen “Tatarstan” radiosın yapmaw iñ möhim mäs’älälärneñ berse”, - dide ul .

Fändäs Safiullin tağın soñğı könnärdäge “ Новая Известия” gäzitendä Rossiä jurnalistlar Soyuzınıñ belderüe häm tağın berniçä anda basılğan materiallarğa da tuqtaldı.

Bu cıyılışta çığış yasawçılar cämğiätneñ törle tarmaqlarında bulğan citeşsezleklärne tänqitläp çıqsalar da, disput-bäxäskä quyılğan töp mäs'älädä fikerläre urtaq buldı. Ğomumän alğanda , Tatarstannıñ möstäqillegen häm tatar xalqın millät bularaq saqlap qaluda mäçetlärdä wäğäzlärne tatarça söylärgä kiräklegen, milli mäktäplärne, mädäniätne saqlap qalunıñ möhimlege, milli universitetnı buldıru , mäs’äläläre turında da fiker alıştılar. BTİÜneñ VIII Qorıltayına äzerlek niçek baruı turında da cawaplı keşelär üz fikerlären äyttelär. Azatlıq radiosı Mälikä Basıyr Qazan.

XS
SM
MD
LG