Oppozitsiäneñ Bişkäktä prezident Aqayevnıñ urınınnan kitüen, ä ildä yaña saylawlar ütkärüne taläp itkän cıyını anda qatnaşuçılarnıñ xökümät utırğan Aq yortnı yawlap aluı belän tämamlandı. Radiobıznıñ Qırğızstan başqalasındağı xäbärçese Bubuxan Dosalieva xökümät binası qarşındağı xällär turında tübändäge xäbärne yulladı:
Audio, Bubuxan Dosalieva
"Bişkäk waqıtı belän öç tulırğa biş minutta üzäktäge Alatoo mäydanında cıyılğan xalıq xökümätneñ Aq yortın çornap alğan timer kirtälärne ütep häm militsiä safları aşa uzıp binağa kerä başladı" dip xäbär itä Bişkäktän radiobıznıñ qırğız xezmäte xäbärçese Bubuxan Dosalieva. Bu höcümneñ beryaqtan, kötelmägändä, häm şul uq waqıtta, çağıştırmaça tınıç, köç qullanmıy ğına ütüenä qaramastan, xökümät binasın yawlap alu talaw häm cimerü oçraqları belän bilgelände dip xäbär itä radiobıznıñ Bişkäktäge ikençe xäbärçese Jean- Christophe Peuch:
Audio, Jean-Christophe Peuch
"Qarşı çığuçılar inde binağa ütep kerde häm anda xäzer asılda talaw bara, täräzälärdän televizorlarnı, törle qäğäzlärne, utırğıç mazarlarnı taşlıylar, häm monı elegräk militsiä köçläre belän bäreleşkän berük törkem eşli bulsa kiräk" di radiobız xäbärçese Peuch. Xökümät binasın yawlap alğannan soñ oppozitsiä tarafdarları Qırğızstannıñ däwlät televideniäse häm radiosı binasın da üz qulına aldı, televideniä xäzer uramdağı xällärne kürsätä, ä däwlät radiosı "Azatlıq"nıñ qırğız telendäge tapşıruların birä başladı. Prezident Aqayevnıñ qayda buluı xaqında anıq mäğlümat yuq, anıñ ğomumän, ildäge xällärgä ni däräcädä tä''sir itä aluı da bilgele tügel. Köne buyı anıñ ildän kitüe, ğailäseneñ kürşe Qazaqstan yağına taba kitüe xaqında xäbärlär kilep tordı. Bişkäktä wäzğiat oppozitsiä öçen niçek kenä uñay täräqqi itmäsen, qanuni yaqtan xakimiat iäse bulıp haman da prezident qala, häm oppozitsiäneñ yuğarı citäkçeläre monı añlıy kebek. Şularnıñ berse, xakimiat tarafınnan 5 yıl törmädä totılğan häm atna kiç nihayät azat itelgän Feliks Kulov bu uñaydan televideniä aşa möhim belderülär belän çıqtı:
Audio, Feliks Kulov
"Bezneñ öçen xäzer iñ möhime tınıçlıq häm bez xakimiatneñ tınıç qına, ber genä citäkçegä dä zian kitermi küçüe öçen barın da eşliäçäkbez. Bezneñ qanuni töstä saylanğan prezidentıbız, ä moña şik bula almıy häm bez şunnan çığıp eş itärgä tieşbez - xalıqqa çığıp, wäzğiatne añlatırğa häm xakimiatne tınıç qına küçerüne tä''min itärgä tieş" di oppozitsiäneñ prezident Aqayev belän xezmättäşlek itü kiräklege turında Feliks Kulov. Zamanında Aqayevneñ yaqın tarafdarı, vitse-prezident bulğan, annarı isä törmägä xökem itelgän Kulov xäzer televideniä aşa prezidentqa iminlek häm yaqlaw wäğdä itte. Moñardan tış oppozitsiä Qırğızstannıñ xäzer saylanğan tügel, ä elekke parlamentın cıyu kiräklege turında da belderde. Feliks Kulov, äle genä ütkän, oppozitsiä fikerençä, tupas xärämläşülär belän ütkän saylawlarnıñ qanunlığı turında Yuğarı Mäxkämä üz qararın çığarırğa tieş digän fiker bäyän itte.
Kärim Kamal
Audio, Bubuxan Dosalieva
"Bişkäk waqıtı belän öç tulırğa biş minutta üzäktäge Alatoo mäydanında cıyılğan xalıq xökümätneñ Aq yortın çornap alğan timer kirtälärne ütep häm militsiä safları aşa uzıp binağa kerä başladı" dip xäbär itä Bişkäktän radiobıznıñ qırğız xezmäte xäbärçese Bubuxan Dosalieva. Bu höcümneñ beryaqtan, kötelmägändä, häm şul uq waqıtta, çağıştırmaça tınıç, köç qullanmıy ğına ütüenä qaramastan, xökümät binasın yawlap alu talaw häm cimerü oçraqları belän bilgelände dip xäbär itä radiobıznıñ Bişkäktäge ikençe xäbärçese Jean- Christophe Peuch:
Audio, Jean-Christophe Peuch
"Qarşı çığuçılar inde binağa ütep kerde häm anda xäzer asılda talaw bara, täräzälärdän televizorlarnı, törle qäğäzlärne, utırğıç mazarlarnı taşlıylar, häm monı elegräk militsiä köçläre belän bäreleşkän berük törkem eşli bulsa kiräk" di radiobız xäbärçese Peuch. Xökümät binasın yawlap alğannan soñ oppozitsiä tarafdarları Qırğızstannıñ däwlät televideniäse häm radiosı binasın da üz qulına aldı, televideniä xäzer uramdağı xällärne kürsätä, ä däwlät radiosı "Azatlıq"nıñ qırğız telendäge tapşıruların birä başladı. Prezident Aqayevnıñ qayda buluı xaqında anıq mäğlümat yuq, anıñ ğomumän, ildäge xällärgä ni däräcädä tä''sir itä aluı da bilgele tügel. Köne buyı anıñ ildän kitüe, ğailäseneñ kürşe Qazaqstan yağına taba kitüe xaqında xäbärlär kilep tordı. Bişkäktä wäzğiat oppozitsiä öçen niçek kenä uñay täräqqi itmäsen, qanuni yaqtan xakimiat iäse bulıp haman da prezident qala, häm oppozitsiäneñ yuğarı citäkçeläre monı añlıy kebek. Şularnıñ berse, xakimiat tarafınnan 5 yıl törmädä totılğan häm atna kiç nihayät azat itelgän Feliks Kulov bu uñaydan televideniä aşa möhim belderülär belän çıqtı:
Audio, Feliks Kulov
"Bezneñ öçen xäzer iñ möhime tınıçlıq häm bez xakimiatneñ tınıç qına, ber genä citäkçegä dä zian kitermi küçüe öçen barın da eşliäçäkbez. Bezneñ qanuni töstä saylanğan prezidentıbız, ä moña şik bula almıy häm bez şunnan çığıp eş itärgä tieşbez - xalıqqa çığıp, wäzğiatne añlatırğa häm xakimiatne tınıç qına küçerüne tä''min itärgä tieş" di oppozitsiäneñ prezident Aqayev belän xezmättäşlek itü kiräklege turında Feliks Kulov. Zamanında Aqayevneñ yaqın tarafdarı, vitse-prezident bulğan, annarı isä törmägä xökem itelgän Kulov xäzer televideniä aşa prezidentqa iminlek häm yaqlaw wäğdä itte. Moñardan tış oppozitsiä Qırğızstannıñ xäzer saylanğan tügel, ä elekke parlamentın cıyu kiräklege turında da belderde. Feliks Kulov, äle genä ütkän, oppozitsiä fikerençä, tupas xärämläşülär belän ütkän saylawlarnıñ qanunlığı turında Yuğarı Mäxkämä üz qararın çığarırğa tieş digän fiker bäyän itte.
Kärim Kamal