"Bez suğışqa qarşı, bez Taiwannı yaratabız" digän şiğärlär qıçqırıp Taiwan başqalası Taipeida bügen yözlägän meñ keşe qarşılıq çarası ütkärde. Utrawnıñ törle poçmağınnan kilgän keşelär Qıtaynıñ, 14 martta qabul itelgän, Taiwan bäysezlek iğlan itsä aña qarşı köç qullanunı aqlağan qanunına protest belderde. Qanundağı 10 matdäne iskä alıp alar prezident binasına 10 taraftan yaqınlaştı.
Yäşel elämnär totqan, patriotik cırlar cırlağan keşelärgä prezident Chen Shui-bian üze dä quşıldı, läkin çığış yasamadı. Anıñ Demokratik Alğarış partiäse belderüençä, bügenge çaranıñ maqsatı - xalıqara cämäğätçelekneñ bu qanunğa iğtibarın cälep itü, Qıtayğa basım yasap, anı köçtän çığaru. Pekinnıñ xärbi yanawına qarşı xalıq köçen kürsätü niäte belän oyıştırılğan çarada, oyıştıruçılar äytüençä, millionğa yaqın keşe qatnaşqan. Politsiä 240 meñ çaması, dip belderä.
1949 yıldan birle üzbilgelänep yäşägän Taiwannı, räsmi Pekin Qıtaynıñ ber öleşe dip sanıy. Taiwan prezidentı Chen bäysezlek dawlamasa da, küptän tügel, Taiwannıñ yazmışın Pekin-taraflı deputatlar tügel, ä barı tik Taiwannıñ xalğı üze genä xäl itä ala digän belderü yasağan ide. Qıtay parlamentı qabul itkän qanun, 2008 yılğa qädär prezident bulıp saylanğan Chenğa, bäysezlek mäsäläsen kütärep çıqmasın öçen, üzenä kürä kisätü bulıp tora.
-Ali Gilmi
Yäşel elämnär totqan, patriotik cırlar cırlağan keşelärgä prezident Chen Shui-bian üze dä quşıldı, läkin çığış yasamadı. Anıñ Demokratik Alğarış partiäse belderüençä, bügenge çaranıñ maqsatı - xalıqara cämäğätçelekneñ bu qanunğa iğtibarın cälep itü, Qıtayğa basım yasap, anı köçtän çığaru. Pekinnıñ xärbi yanawına qarşı xalıq köçen kürsätü niäte belän oyıştırılğan çarada, oyıştıruçılar äytüençä, millionğa yaqın keşe qatnaşqan. Politsiä 240 meñ çaması, dip belderä.
1949 yıldan birle üzbilgelänep yäşägän Taiwannı, räsmi Pekin Qıtaynıñ ber öleşe dip sanıy. Taiwan prezidentı Chen bäysezlek dawlamasa da, küptän tügel, Taiwannıñ yazmışın Pekin-taraflı deputatlar tügel, ä barı tik Taiwannıñ xalğı üze genä xäl itä ala digän belderü yasağan ide. Qıtay parlamentı qabul itkän qanun, 2008 yılğa qädär prezident bulıp saylanğan Chenğa, bäysezlek mäsäläsen kütärep çıqmasın öçen, üzenä kürä kisätü bulıp tora.
-Ali Gilmi