İke kön elek Qazannıñ Kar'yer bistäsendä üzäk özgeç waqiğa buldı. Populyar “Bolğar qızları” ansambleneñ 17 yäşlek cırçısı Dilärä Möbäräkşina suyıp üterelde. Muyınına häm kükräk çitlegenä pıçaq belän qadalğan, bik küp tapqır cäräxätlängän Diläräne kiçke säğät 10da Pereselençeskaya uramında üz änise taba.
Bu taciğa ansambl' konserttan qaytıp kilgändä bula. İptäş qızları belän sawbullaşıp, Dilärä öyenä qaytıp kitä häm uramda bilgesez keşe aña höcüm itä. Diläräneñ tawışın iñ soñğı işetüçe dä anıñ iptäş qızı bula. Bolğar qızı avtobustan töşkäç, käräzle telefonnan axirätenä şaltırata. Diläräneñ “Ni kiräk sezgä, timägez miña!” süzläre telefon aşa işetelgäç, anıñ belän elemtä özelä. Änise yögerep çığıp qar östendä qanğa batıp yatqan qızınıñ gäwdäsen genä taba.
Dilärä eşlägän “Bolğar qızları” ansamble 90nçı yıllarda oyışqan. Ansambl'neñ repertuarına tatar, rus, törek, ingliz tellärendä 300dän artıq cır kerä. Bu cırlar zamança stil'dä başqarıla häm alarda şulay uq borınğı bolğar mädäniäte dä çağılış taba.
Diläräneñ soñğı çığışı 20martta Qamal teatrı qarşındağı mäydanında bulğan. “Bolğar qızları” törkemenä isä ul ber yıl elek kilep kergän. Ä uzğan yılda Dilärä urta mäktäpne tämamlap, Qazan mädäniät häm sänğät institutına uqırğa kergän ide.
Bu könnärdä cinayätneñ säbäben açıqlaw häm cinayätçene tabu buyınça aktiv eş alıp barıldı. Bu xälne kürsätmägän televidenie, radio kanalları, gazet qalmadı. Häm nihayät bişençe aprel' tönendä bolğar qızın ütergän dip şik astına quyılğan keşe tabılğan. Qız yäşägän yorttan yıraq tügel ber äbi fatirında Mari El respublikasınnan tözeleştä eşlär öçen kilgän ike bertuğan ir yäşägän bula. Tikşerüçelär alarnıñ öyen qan eze buyınça tapqan. Cinayätne eşläwdä 37 yäşlek Cäwdät İxsanov şiklänelä. Tikşerü waqıtında bu irneñ elek tä näq şundıy uq cinayät öçen 15 yılğa xökemgä tartıluı häm amnistiä belän irekkä çığarıluı mäğlüm bulğan. Anıñ şulay uq başı imgängän buluı da açıqlandı. Diläräne ul uramda oçrata häm qız anıñ belän tanışırğa telämägäç, açuınnan yäş qıznı ğazaplap üterä digän faraz bar.
Bäxetsezlek oçraqları, cinayätlär kön sayın, säğät sayın bulıp torğan xäzerge çorda Diläräneñ üleme Qazanlılarnı şaq qatırdı. Ber ğailägä küpme bälä kilgän. Ber ay elek Diläräneñ ätise dä wafat bulğan. Anıñ 53 yäşlek änise qısqa waqıtta berdän ber balasın da yuğalttı. Qabınıp kilgän yäş yoldız menä şulay sünderelde. Häm anıñ urınında här başqa keşe dä bula ala ide. Üterüçe man'yak ber tapqır xökem itelep tä, irekkä çıqqaç, tağın cinayät yasağan. Normal' keşe tügel, qatı bäğerle, tile, aqılsız keşe dip sanarğa mömkin anı. Ä menä aqılsız wäxşilärne irekkä çığaruçı aqıllılar qaya qarağan ikän?
Al'bina Zäynulla, Qazan.
Bu taciğa ansambl' konserttan qaytıp kilgändä bula. İptäş qızları belän sawbullaşıp, Dilärä öyenä qaytıp kitä häm uramda bilgesez keşe aña höcüm itä. Diläräneñ tawışın iñ soñğı işetüçe dä anıñ iptäş qızı bula. Bolğar qızı avtobustan töşkäç, käräzle telefonnan axirätenä şaltırata. Diläräneñ “Ni kiräk sezgä, timägez miña!” süzläre telefon aşa işetelgäç, anıñ belän elemtä özelä. Änise yögerep çığıp qar östendä qanğa batıp yatqan qızınıñ gäwdäsen genä taba.
Dilärä eşlägän “Bolğar qızları” ansamble 90nçı yıllarda oyışqan. Ansambl'neñ repertuarına tatar, rus, törek, ingliz tellärendä 300dän artıq cır kerä. Bu cırlar zamança stil'dä başqarıla häm alarda şulay uq borınğı bolğar mädäniäte dä çağılış taba.
Diläräneñ soñğı çığışı 20martta Qamal teatrı qarşındağı mäydanında bulğan. “Bolğar qızları” törkemenä isä ul ber yıl elek kilep kergän. Ä uzğan yılda Dilärä urta mäktäpne tämamlap, Qazan mädäniät häm sänğät institutına uqırğa kergän ide.
Bu könnärdä cinayätneñ säbäben açıqlaw häm cinayätçene tabu buyınça aktiv eş alıp barıldı. Bu xälne kürsätmägän televidenie, radio kanalları, gazet qalmadı. Häm nihayät bişençe aprel' tönendä bolğar qızın ütergän dip şik astına quyılğan keşe tabılğan. Qız yäşägän yorttan yıraq tügel ber äbi fatirında Mari El respublikasınnan tözeleştä eşlär öçen kilgän ike bertuğan ir yäşägän bula. Tikşerüçelär alarnıñ öyen qan eze buyınça tapqan. Cinayätne eşläwdä 37 yäşlek Cäwdät İxsanov şiklänelä. Tikşerü waqıtında bu irneñ elek tä näq şundıy uq cinayät öçen 15 yılğa xökemgä tartıluı häm amnistiä belän irekkä çığarıluı mäğlüm bulğan. Anıñ şulay uq başı imgängän buluı da açıqlandı. Diläräne ul uramda oçrata häm qız anıñ belän tanışırğa telämägäç, açuınnan yäş qıznı ğazaplap üterä digän faraz bar.
Bäxetsezlek oçraqları, cinayätlär kön sayın, säğät sayın bulıp torğan xäzerge çorda Diläräneñ üleme Qazanlılarnı şaq qatırdı. Ber ğailägä küpme bälä kilgän. Ber ay elek Diläräneñ ätise dä wafat bulğan. Anıñ 53 yäşlek änise qısqa waqıtta berdän ber balasın da yuğalttı. Qabınıp kilgän yäş yoldız menä şulay sünderelde. Häm anıñ urınında här başqa keşe dä bula ala ide. Üterüçe man'yak ber tapqır xökem itelep tä, irekkä çıqqaç, tağın cinayät yasağan. Normal' keşe tügel, qatı bäğerle, tile, aqılsız keşe dip sanarğa mömkin anı. Ä menä aqılsız wäxşilärne irekkä çığaruçı aqıllılar qaya qarağan ikän?
Al'bina Zäynulla, Qazan.
