dip äytergä yaratqannar partiä funksionerları volyuntarizm çorında. Älbättä xaqlıq ta bar bu süzlärdä. Läkin här yılnıñ üzençälege bula şul. Yazı niçek kilä, cäye nindi bula. Awıl xucalığına bıyıl yıl uñaysız kilä. Barlıq sınamışları belän ul bik awır 1979 yılğa turı kilä. Ul yılnı yaz soñarır kilep yazğı taşu bik quatle bulğan ide. Bik küp qaraltı-quralar häm mal-tuarlar suğa aqtılar. Cir soñ ölgerep yazğı qır eşläre totqarlandı. Bıyıl närsä bulır? Ministrlar kabinetınıñ sişämbe brifingında awıl xucalığı ministrı urınbasarı Minsäğir Nurtdinov- bez mondıy qatlawlı wäzğıätne farazladıq häm çaraların kürdek dip belderelde. Yağulıq, texniкa belgeçlär äzer. Läkin yağulıq aşlamalarğa bäyälär kütärelü awıl xucalığınıñ xälen tağıda qatlawlandıraçaq. Aqça kreditlar probleması bar. Xäzerge waqıtta Tatarstan elevatorlarında 200 meñ tonnadan artıq aşlıq saqlana dielde brifingta. Xäzerge bäyälär belän anı bazarğa çığarıp satu- utız protsentın yuğaltu digän süz. Moña Rusiä xökümäteneñ aşlıq bazarında waqıtında eksportqa röxsät birmäwe häm interventsiä yasamawı kitergän. Brifingta awıl xucalığınıñ uzğan yıl yomğaqları annan aldağı çordan kim tügel dip belderelde. İt söt citeşterü kimemägän. Läkin tulayım terlekneñ baş sanı kimü tendensiäse bar. Küptän tügel ber zur kiñäşmädä Tatarstanda terlek sanı ber rayon külämendä kimede dip belderelgän ide. Qazan bazarlarında it bäyäse 50-60 sumnan 80-90 sumğa kütärelde. Bıyılda mondıy tendensiälär däwam itmäs dip äytep bulmıy. Respubliкa xucalıqlarınıñ yazğı qır eşlärenä äzerlegen tikşergändä tuğız yöz ille kümäk xucalıq häm ike meñ çaması fermer xucalıqlarınıñ öç yözgä yaqını yazğı qır eşlären tulısınça ütkärä alırlıq tügel xäldä dip bäylängän. Ğadiräk itep äytkändä çäçüne başqarıp çığarlıq tügel. Mondıy xucalıqlar belän nişlärgä, çäçmi qalğan cirlär bulmasmı digän sorawlarğa äle açıq cawap birüçe bulmadı. Yunıs Ätnäle.
