Ğiraq xärbi köçläre xäbär itüençä, tönyaqtağı Balad şähärendä yul qırıyında bomba şartlap 3 xärbi hälak bulğan. Bağdadta 2 bomba şartalwı näticäsendä ber sivil keşe, intixarçı üze hälak bulğan. Kimendä 7 keşe yaralanğan.
İldä soñğı könnärdä köç qullanunıñ artıp kitüennän soñ yaña citäkçelekkä tizräk xökümät tözü basımı yasala. 30 ğinwarda uzğan saylawlardan soñ prezident häm premyer-ministr bilgelänsä dä – ministrlar äle üz wazifalarına kereşmägän.
Şiğilärneñ Berläşkän Ğiraq İttifağı wäkile Hussein Şahrastani belderüençä, xökümät äle kimendä kiläse atna azağına qadär tözelmiäçäk.
