Şuşı könnärdä Qazanda Mäcit Ğafuri isemendäge Başqort däwlät akademiä drama teatrınıñ gastrolläre bara. Şul uñaydan ”Azatlıq”nıñ Qazan studiäsendä qunaqta teatrnıñ icad citäkçese Xörmätulla Utyaşev. Anıñ belän Mälikä Basıyr äñgämä alıp bardı.
MB - Xörmätle Xörmätulla äfände, Qazanda inde gastrol''läregez bik uñışlı ğına bara. Xäbibulla İbrahimovnıñ “Başmağım”, İbrahim Abdullinnıñ “Tile yäşlek”, Zöhrä Buraqayıvanıñ “İx” öç yeget, öç yeget” spektaklläregezne dä tamaşaçılar yaratıp qabul ittelär. Sez teatrnıñ icat eşmäkärlege buyınça citäkçese bularaq, äytep kitsägez ide, Qazanğa gastrollärgä nindi maqsat belän kildegez?
XU - Bez, gastrollärebezne Qazanda, Mäcit Ğafuri isemendäge Başqort däwlät akademiä drama teatrıbıznıñ 85 yıllığına häm Qazan qalasınıñ 1000 yıllığına bağışlap üzebezneñ repertuardağı iñ yaxşı spektakllärbezne alıp kildek.
MB - Sez gastrol''läregezne “Başmağım” muzıkal komediäsennän başlap cibärdegez. Bu äsär belän bäyle berär qızıqlı xätiräne iskä töşersägez ide?
XU - Cır-moñğa, biyülärgä tulı bulğan bu Xäbibulla İbrahimovnıñ äsäre belän här buın artistları tärbiälänep üskän. Zamanında töp rollärne Xösäyen Kudaşevlar, Räğidä Yanbulatovalar uynağan. Bik ozaq yıllar uynağannan soñ, olığaiğaç, Räğidä Yanbulatova üzeneñ qızı Gölli Möbäräkovağa säxnädä şul başmaqlarnı tapşıra. Häm Gölli Möbäräkova da bik ozaq yıllar bik uñışlı ğına başqara andağı töp rolne. Menä xäzer küpmeder yıllar ütkäç bu muzıkal komediä yañadan bezgä äylänep qayttı.
MB - Xäzer sezneñ teatrnıñ baş rejisserı bulıp Ayrat Abuşaxmanov citäkçelek itä ikän. Niçek bu yäş yeget sezneñ teatrğa baş rejisser bulıp kilde?
XU - Ul bezneñ teatrda bik ozaq yıllar eşläp töp rol''lärne başqarğan Mostay Kärimneñ “Salawat” spektaklendä töp rollärne başqarğan häm başqa spektakl''lärdä uynağan tanılğan artist Äxtäm Abuşaxmanovnıñ ulı. Xäzer inde ul Teatr Ähelläre Berlegendä räislek itä. Ä Ayrat Abuşaxmanovqa kilsäk, ul Öfe sänğät institutın tämamlağannan soñ, teatrda 7 yıl artist bulıp eşli. Annan anı Mäskäwgä GİTİSqa rejisserlıykqa uqırğa cibärälär. Ul anda 5 yıl belem alğannan soñ bu teatrda diplom spektaklen quyıp, diplom ala. Annan soñ teatrda rejisser bulıp ike yıl eşlägännän soñ anı teatrnıñ baş rejisserı däräcäsenä kütärälär. Häm Ayrat Abuşaxmanovnıñ Qazan şähärenä dä häm baş rejisser bularaq kilüe dä anıñ öçen berençe adımnar häm tarixi könnär.
Comğa könne Ayrat Abuşaxmanov säxnäläştergän Änğam Atnabayıwnıñ “Xuşığız, xıyallarım” spektakle Ğ.Kamal teatrında baraçaq. Häm Başqort däwlät akademiä teatrınıñ gastrolläre İbrahim Abdullinnıñ “Tile Yäşlek ”spektakle belän tämamlanaçaq. Ul spektaklne säxnägä Tañçulpan Babiçeva quyğan.
Xörmätle radio tıñlawçılar! Sezne aldağı yal könnärendä Başqort teatrınıñ häm tatar-başqort xalıqlarınıñ mädäni problemaları turında maxsus tapşıru kötä.
Mälikä Basıyr, Qazan
MB - Xörmätle Xörmätulla äfände, Qazanda inde gastrol''läregez bik uñışlı ğına bara. Xäbibulla İbrahimovnıñ “Başmağım”, İbrahim Abdullinnıñ “Tile yäşlek”, Zöhrä Buraqayıvanıñ “İx” öç yeget, öç yeget” spektaklläregezne dä tamaşaçılar yaratıp qabul ittelär. Sez teatrnıñ icat eşmäkärlege buyınça citäkçese bularaq, äytep kitsägez ide, Qazanğa gastrollärgä nindi maqsat belän kildegez?
XU - Bez, gastrollärebezne Qazanda, Mäcit Ğafuri isemendäge Başqort däwlät akademiä drama teatrıbıznıñ 85 yıllığına häm Qazan qalasınıñ 1000 yıllığına bağışlap üzebezneñ repertuardağı iñ yaxşı spektakllärbezne alıp kildek.
MB - Sez gastrol''läregezne “Başmağım” muzıkal komediäsennän başlap cibärdegez. Bu äsär belän bäyle berär qızıqlı xätiräne iskä töşersägez ide?
XU - Cır-moñğa, biyülärgä tulı bulğan bu Xäbibulla İbrahimovnıñ äsäre belän här buın artistları tärbiälänep üskän. Zamanında töp rollärne Xösäyen Kudaşevlar, Räğidä Yanbulatovalar uynağan. Bik ozaq yıllar uynağannan soñ, olığaiğaç, Räğidä Yanbulatova üzeneñ qızı Gölli Möbäräkovağa säxnädä şul başmaqlarnı tapşıra. Häm Gölli Möbäräkova da bik ozaq yıllar bik uñışlı ğına başqara andağı töp rolne. Menä xäzer küpmeder yıllar ütkäç bu muzıkal komediä yañadan bezgä äylänep qayttı.
MB - Xäzer sezneñ teatrnıñ baş rejisserı bulıp Ayrat Abuşaxmanov citäkçelek itä ikän. Niçek bu yäş yeget sezneñ teatrğa baş rejisser bulıp kilde?
XU - Ul bezneñ teatrda bik ozaq yıllar eşläp töp rol''lärne başqarğan Mostay Kärimneñ “Salawat” spektaklendä töp rollärne başqarğan häm başqa spektakl''lärdä uynağan tanılğan artist Äxtäm Abuşaxmanovnıñ ulı. Xäzer inde ul Teatr Ähelläre Berlegendä räislek itä. Ä Ayrat Abuşaxmanovqa kilsäk, ul Öfe sänğät institutın tämamlağannan soñ, teatrda 7 yıl artist bulıp eşli. Annan anı Mäskäwgä GİTİSqa rejisserlıykqa uqırğa cibärälär. Ul anda 5 yıl belem alğannan soñ bu teatrda diplom spektaklen quyıp, diplom ala. Annan soñ teatrda rejisser bulıp ike yıl eşlägännän soñ anı teatrnıñ baş rejisserı däräcäsenä kütärälär. Häm Ayrat Abuşaxmanovnıñ Qazan şähärenä dä häm baş rejisser bularaq kilüe dä anıñ öçen berençe adımnar häm tarixi könnär.
Comğa könne Ayrat Abuşaxmanov säxnäläştergän Änğam Atnabayıwnıñ “Xuşığız, xıyallarım” spektakle Ğ.Kamal teatrında baraçaq. Häm Başqort däwlät akademiä teatrınıñ gastrolläre İbrahim Abdullinnıñ “Tile Yäşlek ”spektakle belän tämamlanaçaq. Ul spektaklne säxnägä Tañçulpan Babiçeva quyğan.
Xörmätle radio tıñlawçılar! Sezne aldağı yal könnärendä Başqort teatrınıñ häm tatar-başqort xalıqlarınıñ mädäni problemaları turında maxsus tapşıru kötä.
Mälikä Basıyr, Qazan
