Accessibility links

Кайнар хәбәр

Stalinğa häykäl kiräkme?


Tatar-inform mäğlümat agentlığı säxifäsendä basılğan şuşı tantana xaqındağı reportajda, Mintimer Şäymiev, Stalin, Ruzvelt häm Çerçillneñ mäğlüm Yalta konferensiäsendä töşkän suräte yanında: “Menä alar bit berläşep, ber fikergä kilep Ciñügä ireşkännär. Şunıñ öçen genä bulsa da, bu öç şäxes häykälgä layeq,”- digän süzlären tarattı.

Şul uñaydan, Stalin häykälgä layeqmı digän soraw belän, “Azatlıq” berniçä tatar jurnalistına möräcäğät itte. “Watanım Tatarstan” gäzite jurnalistı İlfaq Şihapov fikere bolay yañğıradı

Minemçä , bügenge köndä iptäş Stalinğa häykäl quyu bigük kiräk äyber tügel inde. Menä, 50 yıllarda ul häykällärne cimerep taşlamağan bulsalar, alar bügenge köngä qädär dä saqlansa, ul waqıtta başqa mä’sälä. Ä bügen kiräkmi. Çönki, äle bügen dä anıñ repressiäsenä eläkkän keşelär yäşi, hiç yuğında alarnıñ balaları. Bu berençedän. İkençedän, tulı ber xalıqlar, mäsälän qırım tatarları, Stalin repressiäse qorbannarı bulğannar. Alar, şunıñ arqasında bügen dä ğazaplanalar. Min häykäl kiräkmi dip sanıym

“Tatarstan yäşläre” gäzite jurnalistı Firdüs Ğıymaletdinov fikerlärendä tıñlap ütik äle

Ber keçkenä genä byust bulsa yarıy. Häykäl quyudan ğına, Stalin zamanı äylänep qayta, aña kemder tabına digän süz tügel. Yäş buın öçen, dönyada şundıy şäxeslär bulğanlığın iskärtep toru zıyan itmäs. Häykäl häykäl genä bulıp qala ul

Mintimer Şäymievnıñ bu süzlärenä, bäysez küzätüçelär başqa törle şärex birdelär. Şäymievnıñ ğailäse dä raskulaçivaniegä duçar bulğan. . Ul Stalinğa häykäl quyu kiräk digän fikerdä tormıy. Prezidentnıñ “menä alar bit berläşep, ber fikergä kilep Ciñügä ireşkännär. Şunıñ öçen genä bulsa da, bu öç şäxes häykälgä layeq” digän süzläre, olı maqsat öçen, kiräk çaqta berläşü, ber fikergä kilü digän mäğnä yata. Tatarstan prezidentı süzlärendä Könbatış illäre belän SSSRnıñ berläşüen olılaw fikere çağıla. Här xäldä, Qazandağı säyäsät belgeçläre şulay dip añlata. Ämma häykäl süze yañğırağaç, anı turı mäğnäsendä añlawçılar da bulğalağan.

Räfis Cämdixan

XS
SM
MD
LG