Accessibility links

Кайнар хәбәр

Xodorkovskiyğa xökem qararı sişämbegä kiçekterelde


Kürenekle eşmäkär Mixail Xorodkovskiynı xökem itüçe xäkimnär ul salımnardan qaçqan häm zur cinayätlär qılğan disälär dä räsmi ğäyepläw qararı çığarudan tıyılıp qalıp mäxkamä utırışın däwam itüne irtägägä kiçekterde. Tänäfes xäkim çığışı başlanıp 3 säğät ütkäç iğlan itelde. Xodorkovskiynıñ advokatları älege çığışqa qarağanda Xodorkovskiy ğäyeple digän qarar çığarılır dip isäpläwlären belderdelär. Advokatlarnıñ berse Yuriy Şmidt mäxkamädä Xodorkovskiynıñ ğäyeben raslawçı ber genä dälil dä kiterelmäde dide.

AUDİO: Mäxkamä Xodorkovskiy belän Lebedevnıñ fizik zat bularaq salımnardan qaçuı turındağı epizod belän tämamladı. Häm analizlarsız häm dälillärsez genä bu epizod turındağı üz näticälären belderüne tämamlağannan soñ utırışnıñ irtägä 10 säğät 30 minutta däwam itäçägen iğlan itte. Militsiä mäxkamä qarşında Xodorkovskiy tarafdarlarınıñ demonstratsiäsen taratıp berniçä keşene totqarladı.
XS
SM
MD
LG