Bu yañalıqnı çärşämbedä Dumanıñ qanunçılıq häm däwlät tözeleşe komitetı başlığı Vladimir Pligin xäbär itte. Anıñ süzlärençä, mäglümät çaraları turındağı qanunğa täqdim itelgän üzgäreşlär, mäglümät çaralarınıñ saylaw aldı kampaniäse waqıtında cawaplılığın arttıraçaq. Älegä qädär alar qanunnıñ 57 matdäse nigezendä, süzen-süzgä küçerep taratılğan xatalı mäglümät öçen cawap birmi ide.
Xättä ul ğäybät, yä yala bulsa da. Alay da, monı maxsus eşläwçelärne Watandaşlar Kodeksı nigezendä mäxkämä aşa cawapqa tartıp bula ide. Küräseñ Kreml monı ğına citälek dip tapmıy.
Şuşı yaña üzgäreşlär, comğa könne Dumada qabul itelsä, bu Rusiä mäglümät çaralarına niçek täesir itäçäk digän soraw belän bez bügen Mäskäwdäge Mäglümati xoquqlar mäsäläläre institutı citäkçese Andrei Rixterğa möräcäğät ittek:
Audio (Andrei Rixter)
"Älbättä, yoğıntısı tiskäre bulaçaq. Çönki xäzer här jurnalist här süzen tikşerergä tieş bulaçaq. Keçkenäräk, cirle mäglümät çaraları, qayadır Novosibirkisda, Parijda, bulğan waqiğalarnı tikşerä almıy, dimäk ul fäqät üzeneñ täräzäsennän kürgän äyberlärne genä yazıp utırırğa mäcbür bulaçaq."
Başqa mäglümät çaralarında dönya kürgän mäglümätne qabatlap birü Rusiä genä tügel, başqa il mäglümät çaralarına da xas. Ni öçen soñ Kreml mondıy üzgäreşlär kertergä teli digän sorawğa ul:
Audio (Andrei Rixter)
"Yalğan, tikşerelmägän xäbärne küçerep bastıru, älbättä naçar äyber. Soñğı 15 yılda monı yawız niättä qullanuçılar küp buldı, tik monıñ belän Watandaşlar Kodeksı nigezendä köräşergä kiräk, ä tügel jurnalistlarğa yaña çikläwlär salu yulı belän."
Sezneñçä bu üzgäreşlär Duma aşa üterme digän sorawğa, Andrei Rixter:
Audio (Andrei Rixter)
"Dumada citdi opozitsiä yuq. Bu üzgäreşlär bik ciñel ütergä mömkin, çönki alar texnik tözätmälär bulıp qına kürenä. Ägär deputatlarğa monıñ qurqınıçın añlatuçı bulmasa üzgäreşlär ütegä mömkin."
Sez Mäglümät çaraları turındağı qanunğa prezident tarafınnan täqdim itelgän üzgäreşlrä turında Mäskäwdäge Mäglümati xoquqlar mäsäläläre institutı citäkçese Andrei Rixter fikerlären işettegez.
-Ali Gilmi
Şuşı yaña üzgäreşlär, comğa könne Dumada qabul itelsä, bu Rusiä mäglümät çaralarına niçek täesir itäçäk digän soraw belän bez bügen Mäskäwdäge Mäglümati xoquqlar mäsäläläre institutı citäkçese Andrei Rixterğa möräcäğät ittek:
Audio (Andrei Rixter)
"Älbättä, yoğıntısı tiskäre bulaçaq. Çönki xäzer här jurnalist här süzen tikşerergä tieş bulaçaq. Keçkenäräk, cirle mäglümät çaraları, qayadır Novosibirkisda, Parijda, bulğan waqiğalarnı tikşerä almıy, dimäk ul fäqät üzeneñ täräzäsennän kürgän äyberlärne genä yazıp utırırğa mäcbür bulaçaq."
Başqa mäglümät çaralarında dönya kürgän mäglümätne qabatlap birü Rusiä genä tügel, başqa il mäglümät çaralarına da xas. Ni öçen soñ Kreml mondıy üzgäreşlär kertergä teli digän sorawğa ul:
Audio (Andrei Rixter)
"Yalğan, tikşerelmägän xäbärne küçerep bastıru, älbättä naçar äyber. Soñğı 15 yılda monı yawız niättä qullanuçılar küp buldı, tik monıñ belän Watandaşlar Kodeksı nigezendä köräşergä kiräk, ä tügel jurnalistlarğa yaña çikläwlär salu yulı belän."
Sezneñçä bu üzgäreşlär Duma aşa üterme digän sorawğa, Andrei Rixter:
Audio (Andrei Rixter)
"Dumada citdi opozitsiä yuq. Bu üzgäreşlär bik ciñel ütergä mömkin, çönki alar texnik tözätmälär bulıp qına kürenä. Ägär deputatlarğa monıñ qurqınıçın añlatuçı bulmasa üzgäreşlär ütegä mömkin."
Sez Mäglümät çaraları turındağı qanunğa prezident tarafınnan täqdim itelgän üzgäreşlrä turında Mäskäwdäge Mäglümati xoquqlar mäsäläläre institutı citäkçese Andrei Rixter fikerlären işettegez.
-Ali Gilmi