İrannıñ Saqçılar Şurası, elekke qararın üzgärtep, reformaçıl qaraştağı 2 namzätkä kiläse ayda ütäçäk prezident saylawlarında qatnaşırğa röxsät birde. Elekke Mäğärif ministrı Mostafa Moin häm Sport öçen cawaplı vitse-prezident Mohsen Mehralizadä isemlektän sızıp taşlanğan meñnän artıq namzätlär arasında ide. İrannıñ iñ ere reformaçıl partiäse, elekke ministr isemlekkä qaytarılmasa, saylawlarğa baykot iğlan itergä çaqırdı. Düşämbedä İrannıñ yuğarı ruxanie Ayatolla Ali Xömänei Saqçılar Şurasına, bu ike namzätne isemlekkä qaytarırğa sorağan.
