Bu könnärneñ iñ möhim waqiğası Tatarstan yazuçılarnıñ 15 qorıltayı. Qazan mädäniät üzägendä barğan bu qorıltay rezolyutsiä qabul itü, idärä häm räis saylaw belän tönge säğät 12 yaqınlaşqanda tämamlandı. Çağıştırmaça tärtiple, tınıç ütsä dä qorıltaynıñ eçke dramaturgiäse şaqtıy kierenke buldı. Ğädättä qorıltay waqıtında yazuçılar konservativ fikerle häm wäzğıyätne tantanalı, qupşı töslärdä kürüçe räsmi yazuçılar häm milli ruxlı demokrat häm qaynar yöräklelär qanatlarına bülenä. Kemneñ wäkile räislekkä ütä, kemnärneke idärädä küpçelekne täşkil itä. Menä şul intriganı yazuçılar üzläre genä belä. Artıq tawışlanu yämsezlänü bulmasa da, bäxäslär bulmadı tügel. Üzeneñ xuşlaşu süzendä Foat Ğalimullin Aydar Xälimneñ qaraşları turında şaqtıy kisken süzlär äytte. Anıñ üzenä dä tänqit işetergä turı kilde. İñ prinsipial' çığışlarnı häm fikerlärne sezgä işetterergä tırışırbız. Ä bügen mäğlümat kenä biräbez. Yazuçılar berlegeneñ räise itep şağir Möxämmät Mirza, ä dönyawi iseme buyınça mädäniät ministrı urınbasarı İlfaq İbrahimov saylandı. Qorıltaynıñ rezolyutsiäse proyektı belän moña qädär räis urınbasarı bulıp eşlägän Ğalimcan Gıl'manov çıqtı. Eşlängän eşlär turındağı matur-matur süzlär 3.5 minut täşkil itte, kiläçäktä başqarılası eşlär dä näq şul yunäleşlärne canlandıru küz aldında totıla. Qararğa yazuçılarnıñ qorıltayda äytelgän täqdimnäre dä kertelde.
Qorıltayda yañğırağan iñ töp fikerlär Yazuçılar berlegeneñ icat ähellärenä yärdäm itü, köçäytü, şulay uq tatar kitabın bastıru häm taratu turında ide. Bu qorıltayda çit töbäklärdä yäşäwçe tatar yazuçıları da qatnaştı. Şularnıñ berse Ufa şağire Rämil Çuragulov üzeneñ “Äytmä sin awır süz” digän cır tekstı belän bilgele. “Azatlıq” radiosı xäbärçesenä ul bu yulı sotsial' häm säyäsi ruxlı şiğerlären uqıp birde. Berençese Faxişä, ikençese Tuğan tel yazmışı turında.
Yul çatında nilär kötep toradır bu qız bala?
Tänen satıp kön kürä ul.
Kem ğayeple? Zamana.
“Sin satlıq!”, dip süz äytmägez
Ul da adäm balası.
Fäxeş zaman balası ul,
Kemneñder küz qarası.
Yul çatında tänen sata
Färeştägä tiñ qız bala.
İlen, dinen, telen, canın sata zamana.
Dönya tulı buydaq yeget
Xämer eçep ton çığa.
Yul çatında güzäl qızlar
Nazlar kötep tön çığa.
Çit tellärdä tel açıla
Ana tele onıtılğan.
Tuğan xalqım, ğäziz xalqım
Bügen siña ni bulğan?
Çit millätlär qoçağında
Barasıñ bit xalqım erep
Telsez qalıp barasıñ sin
İlsez qala kürmä ber ük.
Tuğan xalqım, ğäziz xalqım
Telsez, ilsez qalma ber ük.
Çit millätneñ güzällären
Yaqın kürä bezneñ irlär,
Balaları çit teldä
Äni diep endäşälär.
Çit millätlärneñ ir-atların
Yaqın kürä xatın – qızlar.
Bez elekke xalıq tügel
Üzgärgän bezneñ yözlär.
Tuğan xalqım, ğäziz xalqım
Bügen sine bulmıy añlap
Qäbereñdä yatadır yıraq babañ
Sine qarğap.
Rimzil Wäli, Qazan.
Qorıltayda yañğırağan iñ töp fikerlär Yazuçılar berlegeneñ icat ähellärenä yärdäm itü, köçäytü, şulay uq tatar kitabın bastıru häm taratu turında ide. Bu qorıltayda çit töbäklärdä yäşäwçe tatar yazuçıları da qatnaştı. Şularnıñ berse Ufa şağire Rämil Çuragulov üzeneñ “Äytmä sin awır süz” digän cır tekstı belän bilgele. “Azatlıq” radiosı xäbärçesenä ul bu yulı sotsial' häm säyäsi ruxlı şiğerlären uqıp birde. Berençese Faxişä, ikençese Tuğan tel yazmışı turında.
Yul çatında nilär kötep toradır bu qız bala?
Tänen satıp kön kürä ul.
Kem ğayeple? Zamana.
“Sin satlıq!”, dip süz äytmägez
Ul da adäm balası.
Fäxeş zaman balası ul,
Kemneñder küz qarası.
Yul çatında tänen sata
Färeştägä tiñ qız bala.
İlen, dinen, telen, canın sata zamana.
Dönya tulı buydaq yeget
Xämer eçep ton çığa.
Yul çatında güzäl qızlar
Nazlar kötep tön çığa.
Çit tellärdä tel açıla
Ana tele onıtılğan.
Tuğan xalqım, ğäziz xalqım
Bügen siña ni bulğan?
Çit millätlär qoçağında
Barasıñ bit xalqım erep
Telsez qalıp barasıñ sin
İlsez qala kürmä ber ük.
Tuğan xalqım, ğäziz xalqım
Telsez, ilsez qalma ber ük.
Çit millätneñ güzällären
Yaqın kürä bezneñ irlär,
Balaları çit teldä
Äni diep endäşälär.
Çit millätlärneñ ir-atların
Yaqın kürä xatın – qızlar.
Bez elekke xalıq tügel
Üzgärgän bezneñ yözlär.
Tuğan xalqım, ğäziz xalqım
Bügen sine bulmıy añlap
Qäbereñdä yatadır yıraq babañ
Sine qarğap.
Rimzil Wäli, Qazan.
