Ändican xalqı äytüençä, şähärneñ Bogişamol bistäsendä kümäk qäberleklär "qanlı comğa" digän isem alğan 13 May xällärennän soñ ber atna ütügä päyda bulğan. Qäber qazuçılarnıñ berse radiobız xäbärçesenä äytüençä, soñğı könnärdä Bogişamolda berniçä kümäk qäberlek barlıqqa kilgän. İsemen äytergä telämägän bu keşe süzlärençä, andağı cäsädlär, möselmança, aq käfengä törelgän. Alay da, bu eşne başqarırğa quşqan räsmilär, qayber möselman yolaların bozğan. Misal öçen, ber qäbergä berdän artıq cäsäd kümelgän. Häm dä bu eşne alar kürşedäge urıs ziratınnan, möselman bulmağan qäber qazuçılarğa quşqan:
"Başta 48 cäsäd kiterelde. Här qäbergä ikeşär itep saldılar. Bezne yaqın kitermädelär. Yärdämgä urıs ziratındağı qäber qazuçılarnı çaqırdılar."
Bogişamol ziratına barıp kilgän siräk säyäsätçeneñ berse, oppozitsiädäge Erk partiäseneñ Ändican bülege citäkçese İsroilcan Xoldorov bezneñ xäbärçegä bolarnı söylägän:
"Bez andağı qäber qazuçılar belän söyläştek. Alar bezgä cäsädlärneñ 3 MAZ maşinası belän kiterelgänen söyläde. Alarnı bu eşkä qatnaştırmağannar, kürşe ziratlardan eşçelär çaqırğannar. Barlığı 37 qäber qazılğan, härbersendä ikeşät cäsäd. Dimäk, barlığı 74."
Üzbäk räsmiläre Maynıñ 13ndä Ändicanda protest belderüçelärgä ut açılu näticäsendä 169 keşe häläk bulğan, soñraq tağın 4 xärbi yaralardan ülgän dip täqrarlasa, keşe xoquqların yaqlawçılar häm oppozitsiä wäkilläre qorbannar sanı meñ çaması dip belderä. Bogişamoldağı qäberleklär şuşı wazğiätkä açıqlıq kertüdä yärdäm itä ala. Qaberlärneñ qayberläre qabat açılğan. Ber Bogişamol keşese bezneñ xäbärçegä äytüençä, qayberäwlär üz yaqınnarın qazıp alıp, öylärenä alıp qaytıp kümä:
"İke kön elek cäsädlärne alıp kitüçe keşelärne kürdem. Alar qorbannıñ tuğannarı ide."
13 May qorbannarın cirläwlär häm qabat cirläwlär äle dä däwam itä. Ändican çitendä yäşäwçe bu qart keşe äyütençä, ul cenazalarğa kön sayın yöri:
"Cenzalarğa törle urınnarğa yöribez. Qärän uqıybız, qorbannar xaqına doğa qılabız."
Bogişamol ziratına barıp kilgännän soñ ikençe köngä bezneñ xäbärçebez anı bu ziratqa alıp kilgän Curaboy isemle keşeneñ bilgesez ike keşe tarafınnan çänçelep üterelüen işetkän. Neçkäleklär älegä bilgesez. Curaboy 50 yäşlärendäge keşe bulğan.
Ändican xalqı äytüençä, Bogişamoldağı qäberlek Maynıñ 13ennän soñ päyda bulğan berdän ber kümäk qäberlek tügel.
-Ali Gilmi
"Başta 48 cäsäd kiterelde. Här qäbergä ikeşär itep saldılar. Bezne yaqın kitermädelär. Yärdämgä urıs ziratındağı qäber qazuçılarnı çaqırdılar."
Bogişamol ziratına barıp kilgän siräk säyäsätçeneñ berse, oppozitsiädäge Erk partiäseneñ Ändican bülege citäkçese İsroilcan Xoldorov bezneñ xäbärçegä bolarnı söylägän:
"Bez andağı qäber qazuçılar belän söyläştek. Alar bezgä cäsädlärneñ 3 MAZ maşinası belän kiterelgänen söyläde. Alarnı bu eşkä qatnaştırmağannar, kürşe ziratlardan eşçelär çaqırğannar. Barlığı 37 qäber qazılğan, härbersendä ikeşät cäsäd. Dimäk, barlığı 74."
Üzbäk räsmiläre Maynıñ 13ndä Ändicanda protest belderüçelärgä ut açılu näticäsendä 169 keşe häläk bulğan, soñraq tağın 4 xärbi yaralardan ülgän dip täqrarlasa, keşe xoquqların yaqlawçılar häm oppozitsiä wäkilläre qorbannar sanı meñ çaması dip belderä. Bogişamoldağı qäberleklär şuşı wazğiätkä açıqlıq kertüdä yärdäm itä ala. Qaberlärneñ qayberläre qabat açılğan. Ber Bogişamol keşese bezneñ xäbärçegä äytüençä, qayberäwlär üz yaqınnarın qazıp alıp, öylärenä alıp qaytıp kümä:
"İke kön elek cäsädlärne alıp kitüçe keşelärne kürdem. Alar qorbannıñ tuğannarı ide."
13 May qorbannarın cirläwlär häm qabat cirläwlär äle dä däwam itä. Ändican çitendä yäşäwçe bu qart keşe äyütençä, ul cenazalarğa kön sayın yöri:
"Cenzalarğa törle urınnarğa yöribez. Qärän uqıybız, qorbannar xaqına doğa qılabız."
Bogişamol ziratına barıp kilgännän soñ ikençe köngä bezneñ xäbärçebez anı bu ziratqa alıp kilgän Curaboy isemle keşeneñ bilgesez ike keşe tarafınnan çänçelep üterelüen işetkän. Neçkäleklär älegä bilgesez. Curaboy 50 yäşlärendäge keşe bulğan.
Ändican xalqı äytüençä, Bogişamoldağı qäberlek Maynıñ 13ennän soñ päyda bulğan berdän ber kümäk qäberlek tügel.
-Ali Gilmi