Üzbäk oppozitsiäse häm xoquq yaqlawçılar xökümät kileşmäwçelärne bastıru öçen yaña çaralarğa kereşte diep anı tuqtatuda xalıqara yardäm sorıy.
Berläşkän Millätlär Oyışmasına, Yewropa Berlegenä häm Yewropada İminlek wä Xezmättäşlek Oyışmasına yullanğan 10 aktivistnıñ belderüendä Üzbäkstannıñ könçığışında bu ayda bulğan bäreleşlärdän soñ distälärçä keşeneñ qıynaluı häm qanunsız räweştä qulğa alınuı turında äytelä.
13-nçe Mayda Ändican şähärendäge bäreleşlärdä bilgesez sanda keşe ülde. Üzbäk xakimiätläre 173 keşe, kübesençä banditlar ülde disä, xoquq yaqlawçılar ülüçelär sanı ber meñgä citä dip täqrarlıy.