Fransiä referendumı tudırğan säyäsi zilziläneñ köç-qüäten beraz kimetü maqsatında Yewropa Komissiäse sişämbedä Yewropa Berlege illäre citäkçeläreneñ 16-17-nçe yündä uzaçaq yuğarı däräcäle oçraşuına qädär "tirän uylanular"ğa öndäde. Uylanular, älbättä inde, Berlekneñ yaña konstitutsiäse, anıñ Fransiädäge referendumnan soñğı yazmışı turında bulırğa tieş. Fransiä saylawçılarınıñ 55 protsentı yäkşämbe könne şuşı konstitutsiäne kire qaqtı. Ä çärşämbedä Hollandta uzaçaq tawış birüdä isä bu san tağın da yuğarıraq bula ala digän farazlar bar. Şuşı ike il dä Yewropa Berlegenä nigez salğan 6 däwlät arasında ide, şuña kürä dä xäzer alarnıñ konstitutsiäne därräw diärlek kire qağuı berlek kiläçägenä zur şöbhälär belän qarıy başlawğa etärä. Ämma Yewropa Komissiäse, Holland näticäse dä nindi genä bulmasın, konstitutsiäne raslaw eşe elekkeçä däwam itärgä tieş dip belderä. Anıñ räise - Jose Manuel Barrosonıñ matbuğat wäkile Francoise Le Bail, Barroso çınnan da, ike uñışsız referendumnan soñ da konstitutsiäne saqlap qalıp bulaçaq dip uylıymı digän sorawğa, äye, bu şulay dip cawap birde:
Audio, Francoise Le Bail
"Min äye dip uylıym, häm bu bar komissiäneñ fikere. Bez, älbättä, räis äfändeneñ irtägä nilär äytäçägen kötärgä tieş, ämma komissiäneñ bu mäs''älädäge qaraşı yäkşämbe kiçen qabul itelgän belderüdä äytelgän ide. Häm bu şunnan ğibarät - äğza illär konstitutsiäne raslaw yöklämäsen alğan ide, häm alar şul yöklämäne ütäw eşen däwam itärgä tieş" di Yewrokomissiä räiseneñ matbuğat wäkile. Le Bail süzlärenä qarağanda, xäzer bar farazlar da Berlekneñ yündä uzaçaq yuğarı däräcäle oçraşuına qädär tuqtatılıp torırğa tieş, Yewropa Berlege xäzer şaqtıy qatlawlı xäldä qaldı, di Barrosonıñ wäkile. Yewropa komissiäse räise üze elegräk, Fransiädäge referendum näticälären turıdan-turı konstitutsiäne kire qağu dip sanamawın, saylawçılarnıñ bötenläy başqa motivlar nigezendä "yuq" dip äytüenä ışanuın beldergän ide. Konstitutsiäneñ üzendä, ägär dä ike yıl eçendä anı äğza illärneñ biştän dürt öleşe genä raslasa, Berlektäge illärneñ citäkçeläre wäzğiatne yañadan ber küzdän kiçeräçäk digän urın bar. Düşämbedä Yewropa Parlamentı räise Jose Borrell, bu şunı añlata ki, ägär dä konstitutsiä 5 äğza il tarafınnan kire qağıla ikän, dimäk añardan şul oçraqta ğına waz kiçärgä mömkin bulaçaq dip belderde. Ämma bu mäs''älädä dä Yewropa citäkçeläre arasında ber fiker yuq tösle - sişämbedä Yewrokomissiäneñ ikençe ber wäkile Mikolay Dowgielewicz bolay dip belderde:
Audio, Mikolay Dowgielewicz
"Moña bolay dip cawap birergä röxsät itegez. Komissiä konstitutsiäneñ bar äğza illär tarafınnan raslanuın teli. Min 5, 6 yäisä 7 il belän problemalar çıqqan oçraqta ni bulaçağı xaqında xäzer läçtit satarğa telämim" di Dowgielewiç. Fransiä häm Hollandtan tış konstitutsiäne raslatu Daniä, Britaniä, Pol''şa häm Çexiädä dä bik awır bula ala.
Kärim Kamal
Audio, Francoise Le Bail
"Min äye dip uylıym, häm bu bar komissiäneñ fikere. Bez, älbättä, räis äfändeneñ irtägä nilär äytäçägen kötärgä tieş, ämma komissiäneñ bu mäs''älädäge qaraşı yäkşämbe kiçen qabul itelgän belderüdä äytelgän ide. Häm bu şunnan ğibarät - äğza illär konstitutsiäne raslaw yöklämäsen alğan ide, häm alar şul yöklämäne ütäw eşen däwam itärgä tieş" di Yewrokomissiä räiseneñ matbuğat wäkile. Le Bail süzlärenä qarağanda, xäzer bar farazlar da Berlekneñ yündä uzaçaq yuğarı däräcäle oçraşuına qädär tuqtatılıp torırğa tieş, Yewropa Berlege xäzer şaqtıy qatlawlı xäldä qaldı, di Barrosonıñ wäkile. Yewropa komissiäse räise üze elegräk, Fransiädäge referendum näticälären turıdan-turı konstitutsiäne kire qağu dip sanamawın, saylawçılarnıñ bötenläy başqa motivlar nigezendä "yuq" dip äytüenä ışanuın beldergän ide. Konstitutsiäneñ üzendä, ägär dä ike yıl eçendä anı äğza illärneñ biştän dürt öleşe genä raslasa, Berlektäge illärneñ citäkçeläre wäzğiatne yañadan ber küzdän kiçeräçäk digän urın bar. Düşämbedä Yewropa Parlamentı räise Jose Borrell, bu şunı añlata ki, ägär dä konstitutsiä 5 äğza il tarafınnan kire qağıla ikän, dimäk añardan şul oçraqta ğına waz kiçärgä mömkin bulaçaq dip belderde. Ämma bu mäs''älädä dä Yewropa citäkçeläre arasında ber fiker yuq tösle - sişämbedä Yewrokomissiäneñ ikençe ber wäkile Mikolay Dowgielewicz bolay dip belderde:
Audio, Mikolay Dowgielewicz
"Moña bolay dip cawap birergä röxsät itegez. Komissiä konstitutsiäneñ bar äğza illär tarafınnan raslanuın teli. Min 5, 6 yäisä 7 il belän problemalar çıqqan oçraqta ni bulaçağı xaqında xäzer läçtit satarğa telämim" di Dowgielewiç. Fransiä häm Hollandtan tış konstitutsiäne raslatu Daniä, Britaniä, Pol''şa häm Çexiädä dä bik awır bula ala.
Kärim Kamal