Accessibility links

Кайнар хәбәр

Kasparov Putin rejimına qarşı köräşergä çaqıra


Mäskäw -- Tanılğan şaxmatçı häm säyäsätçe Garri Kasparov, Rusiä prezidentı Vladimir Putin säyäsätenä qarşı toru öçen Berläşkän Watandaşlar Frontı isemle xäräkät tözelüen belderde. Bügen Exo Moskvı radiosına birgän äñgämäsendä Kasparov, bu xäräkät bar bulğan qanuni yullar, şul isäptän, uram cıyınnarı yärdämendä Putin rejimına qarşı köräşäçäk, dide. Anıñ süzlärençä, Putinnıñ küp kenä qararları konstitutsiägä qarşı kilä. Kasparov oppozitsiädäge bar partiälärne bu xäräkätkä quşılırğa çaqırdı.

Putinnıñ, Tönyaq Osetiä citäkçese itep Taymuraz Mamsurovnı quyu qararına da Kasparov kisken tänqit belderde. Fiker beleşülärgä qarağanda, Mamsurovnı respublika xalqınıñ ni barı 7 protsentı xuplıy. Vladikavkazda 9 keşe Mamsurov bilgelänügä protest yözennän açlıq iğlan itte. Alarnıñ 8e – Beslan anaları komitetı äğzaları. Kasparov süzlärençä, Kremlneñ cirle citäkçelärne bilgeläw säyäsäte tieşle eşlämi, citäkçelärne xalıq tarafınnan saylaw tärtiben kire qaytarırğa kiräk. Yuq isä bu säyäsät Tönyaq Kavkazda suğış taraluğa häm ilneñ taqraluına kiteräçäk dip kisätä, Garri Kasparov.
XS
SM
MD
LG