Accessibility links

Кайнар хәбәр

BMO protestlarına qaramastan Qırğızıstan 29 Ändicän qaçağın kire qaytarmaqçı


Atnakiç qırğız räsmiläre ütkän ayda Ändicändä bulıp alğan köç qullanudan qaçıp kitkän 29keşene kire Üzbäkistanğa qaytaraçaqların belderde.Şuşı belderü BMO räsmiläreneñ mohacirlarnı qaytarmasqa dip tırışlıq kürsätkän waqıtqa turı kilde. BMO general sekretarı Kofi Annan häm BMOnıñ başqa yuğarı citäkçeläre Bişkäkne sıyınu xoquqı sorağan üzbäk mohacırların yaqlarğa çaqıra. BMO häm başqaları kire qaytarılğan üzbäklär bälkim dä ezärleklänügä duçar bulaçaq dip kisätälär.

Bügen Qırğızıstan başprokurorı Azimbek Beknazarov ütkän aydağı protestlar waqıtında Ändicän törmäsennän qaçıp çıqqan cinayätçe 29 qaçaq kire qaytarılaçaq dip belderde.

Beknazarov(audio)

Bezneñ östämä tikşerülär tämamlanğaç ta alarnı kire cibäräçäkbez. Tıyılğan Äkrämiye törkeme äğzaları bu keşelär Ändijändä bulğan kebek Oştağı törmägä dä höcüm itälä ala. Alar qorallı cinayätçelär.

Şuşı adım üzbäk mohacirların kire qaytarmağız dip tırışlıq alıp barğan BMO räsmilärenä qarşı bulıp tora.Çärşämbedä K.Annan , qaçaqlar öçen BMO yuğarı komissarı Colville üzbäk qaçaqları kire cibärmäskä digän kisken belderülär belän çıqtılar. BMO qaçaqlar öçen yuğarı komisarınıñ süzçese

Rupert Colville(audio)

ägär dä başprokuror Beknazarov äytkännäre ğämälgä quyılsa zur tragediä bulaçaq. Xalıqara qanunnarnı yaqlawçı dip tanıtqan Qırğızstannıñ şuşı yaxşı abruyı yuqqa çıqsa , qızğanıç bulır ide. Älege waqıtta şul xäl bulaçaq dip kürenä. Ütkän ayda Ändicändäge köç qullanu waqıyğälärennän soñ 500läp üzbäk Qırğızıstanğa sıyındı.Xoquq yaqlaw törkemnäre meñnnän artıq keşe ,şulsanda bala çağa häm xatın qız ülde disä Üzbäk xökümäte häläk buluçılar sanıñ 176 dip quya häm xalıqara tikşerenü ütkärüne kire qağa.K.Annan üzbäk qaçaqları turında borçılu belderep, Qırğız xakimiätlären xalıqara yäklämälären şulsanda 1951nçe yılğı BMOnıñ moxacirlar turındağı konvensiäsen ütärgä çaqırdı.Konvensiä köçläp deportatsiäne tıya.K Annan, Bişkäk mäsäläne tikşerep betergänçe bernindi qarar qabul itmiäçäk digän garantiäne miña birde dide.Qaçaqlar öçen yuğarı komisarınıñ süzçese Colville dä(audio)bu mäsälädä aşığıç xäräkät itü qurqınıçlı .Şunlıqtan bez şau şu quptarabız häm şaularğa däwam itäçäkbez.ägär dä qaçaqlar qaytarılsa bu xalıqara qanunnı açıqtan açıq bozu bulır ide dip äytte. Üzbäkistan xökümäte mohacir statusı alırğa tırışqan 133 üzbäkneñ qaytarıluın soradı. Taşkent 133 şulsanda 29keşe, ğadi cinayätçelär dip däğwä itä. BMOnıñ keşe xoquqları öçen yuğarı komisarı Loise Arbour üzbäklärne köçläp qaytarmasqa öndi, ul Qırğızstan bu keşelärne deportatsiäläse alar cäberlänü xätta ülem qurqınıçı aldında qalaçaq dide.Arbour häm BMOnıñ mohacirlar öçen yuğarı komisarı Guterres 9nçe iyündä tikşerelmi Üzbäkistanğa deportatsiälängän 4 keşeneñ yazmışı turında här daim borçılu belderäp kilälär.. Qırğızstanda demokratik täräqiätne qarap baruçı Freedom Housnıñ Qırğıstan program mödire Stuart Khan radiobızğa bolarnı äytte

Khan(audio)

Üzbäkstannıñ taläbenä esasän Qırğızstandağı lagerdan çığarılğan 16üzbäk törmägä yabıldı.Alarnıñ 4se üzbäk xakimiätlärenä tapşırıldı , alarnı nişlättelär ber törle dä mäğlümätebez yuq. Küptän tügel genä ikençe ber törkem lagerdan çığırılıp saq astına quyıldı , alarnıñ yazmışın da belmibez. Üzbäkstanğa qaytarılsa ildän qaçıp çıqqan öçen alarnıñ cäzalanuı mömkin dip borçılabız. Kahn qırğız räsmilären üzbäk qaçaqları turında qarar birgänçe eçke häm xalıqara barlıq mömkinçeleklärne tikşerergä çaqıra färidä xämit
XS
SM
MD
LG